Զորացրու և պահպանիր․ Աղոթք մեր զինվորների համար
ԶԻՆՎՈՐԻ ԱՂՈԹՔ
Ամենակարող Տեր,
Քո Աստվածային զորությամբ ամրացրու ինձ,
Տուր ինձ վճռականություն՝ սուրբ հայրենյաց քաջ պաշտպանը լինելու:
Քո հոգևոր սպառազինությամբ դարձրու ինձ ավելի համարձակ, կարգապահ ու ընկերասեր:
Երկնային Զորքիդ բարեխոսությամբ զորացրու և պահպանիր զինակիցներիս, հրամանատարներիս և ինձ:
Քո Սուրբ Աջի և բարի հայացքի ներքո ապահով ու անվրդով պահիր ազգս հայոց: Եվ Քեզ փառք Հոր և Սուրբ Հոգու հետ. ամեն։
Զինվորիս
Թե աշխարհում մեկ օր է քեզ համար տոն,
Հայոց երկրում ամեն օրն է զինվորի տոն:
Թե քնած ես, արթնացի՛ր, զինվոր եղբայր,
Մենք եկել ենք, օրն է քո հաղթության,
Տոն է այսօր` ցնծությունը հայության,
Դու եղել ես, կաս, կմնաս, իմ եղբայր:
Մեր արևը դու ես պահում, իմ զինվոր,
Առավոտը դու ես բացում, իմ եղբայր,
Եվ ամեն օր դու սահմանն ես մեր հսկում,
Մենք հավատով քո համար ենք աղոթում:
Զինվոր եղբայր, հպարտ ելիր դու մարտի,
Ամեն վայրկյան մեզ դավում է թշնամին,
Զինվոր եղբայր, ազգս ապրում է քեզնով,
Դու հերոս ես, պահիր հողը մեր Հայոց:
