Իրավիճակն այս պահին Ալավերդի քաղաքում
Bavnews.am-ը գրում է․ Դեբեդ գետի վարարած ջրերն այս գիշեր դուրս են եկել հունից՝ ավերածություններ կատարելով Մ-6 միջպետական ճանապարհին, ինչի հետեւանքով ճանապարհը երկկողմանի փակ է երթեւեկության համար։
Ֆեյսբուքյան հարթակում օգտատերերը հրապարակումեր են անում, որ քաղաքում տարածված տեղեկությունների համաձայն տասնյակ մարդկանց հետ կապի դուրս գալ չի հաջողվում, գետի ջրերը քշել-տարել են գոմեր, անասուններ, մեքենաներ:
Մեքենաներ, խանութներ մնացել են ջրի տակ, տասնյակ թվով մարդիկ, երեխաներ մնացել են ճանապարհներին։
Ամբողջությամբ քանդվել է Սանահին կայարանը Ալավերդի քաղաքին կապող կամուրջը։
Դեբեդ գետի վարարման հետևանքով փակ են Ձորագետ-Ալավերդի-Քարկոփ և Բագրատաշեն-Պտղավան ավտոճանապարհները:
