Ստամբուլում հզոր պայթյուն է որոտացել
Թուրքայի Ստամբուլ քաղաքում հզոր պայթյուն է որոտացել, պատճառը դեռ պարզված չէ։ Shantnews.am-ի փոխանցմամբ՝ հայտնում է Sabah.com-ը։
Ինչպես նշվում է, պայթյունը որոտացել է Քադըքյոյ թաղամասի բնակելի շենքում։
«Պայթյունից հետո հրդեհ է բռնկվել։ Դեպքի վայր են եկել մեծ թվով ոստիկաններ, հրշեջներ և բուժաշխատողներ»,- ասվում է հաղորդագրությունում։
Պայթյունի վայրից լուսանկարներ ու տեսանյութեր սկսել են տարածվել սոցիալական ցանցերում։ Դրանցում երևում է Ստամբուլի խիտ բնակեցված տարածքում այրվող շենքը։
Նախնական տվյալներով՝ տուժել է մեկ մարդ։