Տանս լույսը իրեք տարի է՝ վառած կթողնիմ, որ տղես գերությունից տուն գա, մութ չեղնի. շիրակցի գերու մայր
«Ես տղուս անունը տեսել եմ ցուցակի մեջ, բայց չիդենք՝ երբ գուկան, երբ ազատ կարձակվի։ Իրեք տարի է՝ չեմ տեսել երեխուս, անունը որ տեսա, ինչխոր հրաշք էղներ, ինչխոր նոր ծնվեի։
Իրեք տարի մեզի խաբեցին եսօր-եգուց, եսօր-եգուց։ Էս իրեք տարվա մեջ ինչ հիվանդություն ըսես, որ ձեռք չբերեցի։ Չեմ կռնա էլ դիմանա…ընձի գործին կուդամ, որ քիչմ ուղեղս անջատվի, հնար չկա»,-Oragir.News-ի հետ զրույցում ասում է շիրակցի գերեվարված Հ.Հ.-ի մայրը՝ Ռ.Ն.-ն։
Պատերազմից 3 տարի անց Բաքվի բանտերում հայ գերիներ կան, որոնց մի մասը հաստատված է, մյուս մասը՝ ոչ։
Նիկոլ Փաշինյանը, որ 2021 թվականի արտահերթ խորհրդարանական ընտրությունների քարոզարշավի ժամանակ խոստանում էր գերիներին վերադարձնել՝ ասելով՝ 1-2 ամիս ավելի Բաքվում մնալու համար մեզ կներեն, կարծես՝ մոռացել է նրանց։
2022 թվականին Շիրակի նախկին մարզպետ Նազելի Բաղդասարյանի իր աշխատանքի 100 օրերի հաշվետվության ժամանակ հայտարարել էր, որ Ադրբեջանում Շիրակի մարզից կան 30 գերիներ, գերեվարված 62-ից 32-ը վերադարձել են։
Գերեվարված պահեստազորայիններից մեկի մայրը, ում անունն իր իսկ խնդրանքով չենք նշում պատմեց, որ ամիսը մի անգամ խոսում է որդու հետ, ասում է՝ անճանաչելի է որդին դարձել։
«Կարմիր խաչի միջոցով ամսվա մեջ մի անգամ տեսակապով կխոսանք․ շատ է փոխվել, մերը կզգա չէ, որ իրա երեխեն լավ չէ։ Նամակներ կգրե, մենք պատասխան նամակ կգրենք…գրքեր էր ուզել ու Աստվածաշունչ։
Առավել մանրամասն՝ սկզբնաղբյուր կայքում