Տվեք այս ամենը ձեր սիրելիին և նա երբեք չի լքի ձեզ
Պետք է խոստովանել, որ տղամարդկանց և կանանց միջև երբեք չի եղել ու չի լինի կատարյալ հավասարություն: Մենք շատ տարբեր ենք: Կանայք և տղամարդիկ տարբեր պահանջարկներ ու ցանկություններ ունեն, սակայն հարաբերություններում մեզ նույնն է պետք: Ահա մի քանի բան, առանց որոնց ոչ մի տղամարդ չի կարողանա լիարժեք երջանիկ լինել:
Ի դեպ, այս կետերն անփոխարինելի են նաև կանացի երջանկության համար:
Անձնական տարածություն
Տղամարդիկ, ավելի շատ, քան կանայք, ազատ տարածության կարիք ունեն: Եվ խոսքը ոչ միայն ֆիզիկական, այլև էմոցիոնալ ազատության մասին է: Եթե կինը դա չի տալիս, տղամարդը սկսում է նրա հետ ավելի քիչ ժամանակ անցկացնել՝ աշխատավայրում կամ ընկերների շրջապատում ազատություն փնտրելով:
Հասկանալու ունակություն
Հարաբերություններում շատ կարևոր է հասկանալ: Հասկանալ ու ընդունել զուգընկերոջ թուլությունները, ցանկությունները, ձգտումները: Կարևոր է հասկանալով մոտենալ նրա պահանջարկներին:
Հարգանք
Սա ծեծված թեմա է, բայց ավելորդ չի լինի հիշեցնել: Հարգանք. հենց սա է ցանկացած հարաբերությունների հիմքը: Երբեք մի հասեք վիրավորանքների, թեկուզ եթե վիճում եք, մի ծաղրեք զուգընկերոջ թերություններն ու ցանկությունները, երբեք մի իջեք նրա արժանապատվությունը ստորացնելուն:
