Թուրքիայում անտառային հրդեհներ են (Տեսանյութ)
Թուրքիայի Իզմիր և Մանիսա նահանգներում անտառային հրդեհներ են սկսվել։ Տեղական լրատվամիջոցների տվյալով՝ կրակի տարածումը կանխելու համար գործի են դրվել մեծ քանակությամբ հատուկ տեխնիկա և ուղղաթիռներ:
Իզմիրի նահանգապետ Սուլեյման Էլբանը հայտնել է, որ մի քանի բնակավայրից մարդկանց ամբողջությամբ տարհանել են: Նրա խոսքով՝ տեղի բնակչության շրջանում զոհեր չկան։
Ըստ տեղեկությունների՝ քամու արագությունը հասնում է մինչև 80 կմ/ժ-ի և թույլ չի տալիս մեղմացնել կրակը:
Բոլուի, Մանիսայի և Չանաքկալեի շրջաններում նույնպես մոլեգնում են անտառային հրդեհներ: Թուրքիայի գյուղատնտեսության և անտառտնտեսության նախարար Իբրահիմ Յուրմալին հայտարարել է, որ Չանաքկալեի ավաններից մեկում բռնկված հրդեհների ժամանակ 700 հեկտար անտառային տարածքը դարձել է օգտագործման համար ոչ պիտանի:
