Ինչ է կատարվում Վարդենիսում․ բնակիչները բողոքի ակցիա կիրականացնեն
Hraparak.am-ի տեղեկություններով, վարդենիսցիները պատրաստվում են բողոքի ակցիա իրականացնել։ Վարդենիսում գտնվող հիմնարկություններն, այդ թվում Վարդենիսի պոլիկլինիկան, արդեն մի քանի օր է ստորագրահավաք են իրականացնում՝ ի աջակցություն անձնագրային բաժնի։
Մեծ թվով ստորագրություններ են հավաքվել, պատրաստվում են հանձնել մարզպետարանին և անկնկալում են իրենց պահանջը բավարարող պատասխան։
Ըստ մեր աղբյուրի, եթե պահանջը չբավարարվի, ամենայն հավանականությամբ, փետրվարի 12–ին Վարդենիսի և շրջակա գյուղերի բնակիչները բողոքի ակցիա կիրականացնեն, ճանապարհներ կփակեն։
Նշենք, որ միայն Վարդենիսում հաշվառված են շուրջ 38900 քաղաքացիներ, որոնք իրենց անձնագրային և հաշվառման տարաբնույթ խնդիրների համար ստիպված են լինելու անցնել 40-50 կիլոմետր լրացուցիչ ճանապարհ։
Փաստն այն, է որ սա իշխանության հերթական անթույլատրելի քայլն է սահմանամերձ բնակավայրերի քաղաքացիների բնականոն կյանքը բարդացնելու ուղղությամբ։
