15 տարեկան տղան օգնել է ավելի քան 100 մարդու դուրս գալ այրվող շենքից
«Crocus City Hall»-ի հանդերձարանում դպրոցականը կարողացել է օգնել ավելի քան 100 մարդու լքել այրվող համերգասրահը։ Այս մասին հայտնում է Mash Telegram-ալիքը։
Պատանու անունն Իսլամ է, նա 15 տարեկան է։ Նրա խոսքով, աշխատանքը սկսվելուց առաջ հրահանգներ են տրվել արտակարգ իրավիճակների դեպքում, և ինքը խստորեն հետևել է այդ հրահանգներին, երբ սկսվել է միջադեպը։
Հրաձգության և դրան հաջորդած հրդեհի ժամանակ Իսլամը կարողացել է ցնցված ամբոխին դուրս բերել նեղ միջանցքով դեպի «Էքսպո»-ի տաղավար, այնուհետև սպասարկման տարածքով՝ դեպի փողոց՝ դեպի անվտանգություն:
«Ազատ ժամանակ տղան փող է վաստակում հանդերձարանում և ֆուտբոլ խաղում «Սպարտակի» մանկական թիմում»,- ասվում է հրապարակման մեջ:
