Վթարի է ենթարկվել Մոսկվայից ուղևորվող ավտոբուսը
Ռուսաստանի Դաշնության Կրասնոդարի երկրամասում ավտոբուսը բախվել է բեռնատարին։
Այդ մասին գրում է ՏԱՍՍ-ը՝ ԱԻՆ տարածաշրջանային վարչության մամուլի ծառայությանը հղումով։
Նշվում է, որ ուղեւորատար ավտոբուսը Մոսկվայից Նալչիկ էր ուղեւորվում։
Կրասնոդարի երկրամասի մայրուղիներից մեկում նա բախվել է բեռնատարին, ինչի հետևանքով մահացել է 5 մարդ, ևս վեցը՝ վիրավորվել են։
Shot տելեգրամյան ալիքն իր հերթին տեղեկացնում է, որ վթարի հետեւանքով տուժել է ութ մարդ։
Նախնական տեղեկությունների համաձայն, ավտոբուսի վարորդը քնել է ղեկին և դուրս եկել հանդիպակաց գոտի։
Interfax-ը, վկայակոչելով Կրասնոդարի երկրամասի ՆԳՆ վարչությանը, նշում է, որ ավտոբուսում եղել է 15 ուղևոր և երկու վարորդ։
