Mercedes-ը Սախարովի հրապարակում բախվել է արձանի եզրաքարին ու բռնկվել. վարորդին փրկել է մի երիտասարդ
Երեկ՝ դեկտեմբերի 2-ին, Երևանի բնակիչ՝ 45-ամյա Արթուր Գ.-ն, իր վարած վրացական համարանիշներով Mercedes մակնիշի ավտոմեքենայով Սախարովի հրապարակում բախվել է Սախարովի արձանի բետոնե արգելապատնեշին ու բռնկվել: Այս մասին տեղեկացնում է shamshyan.com-ը։
Վարորդին, ով շոկային վիճակում է եղել, օգնության է հասել այդ պահին այդտեղով անցնող Էդգար անունով երիտասարդ տղա:
Նա ավտոմեքենայից մեծ դժվարությամբ կարողացել է վարորդին դուրս բերել ու մինչ շտապօգնության ժամանումը՝ տեղում առաջին օգնություն է ցուցաբերել:
Բժիշկները նրան հոսպիտալացրել են:
Վթարի փաստով քննչական բաժնում նախաձեռնվել է քրեական վարույթ:
Առավել մանրամասն՝ սկզբնաղբյուր կայքում
