Տեսանյութը ստորև

The post ԱԱԾ աշխատակիցներն ԱԺ-ում են appeared first on Social Blog.

Դարբինյանը դաժանաբար ծեծի է ենթարկվել հղի կնոջ, երկու անչափահաս երեխաների եւ մոր ներկայությամբ։ Գրում է Hraparak.am-ը:

Դեպքը տեղի է ունեցել հունվարի 14-ին կեսգիշերն անց՝ Մայակովսկի գյուղի սկզբնամասում, երբ Դարբինյանն իր անձնական մեքենայով վազանց է կատարել առջեւից դանդաղ ընթացող «Նիվա» մակնիշի «ՊՆ 8008 Մ» համարանիշով ՌՈ քրեականի պետի տեղակալին կցված մեքենան։

Խմիչքի ազդեցության տակ գտնվող «Նիվայի» վարորդը կանգնեցրել է ԱԱԾ աշխատակցին, ապա Արթուր Ավագյանն ու նրա ընկերը Դարբինյանին սպառնալից տոնով հորդորել՝ այլեւս երբեք վազանց չանել եւ մտապահել իրենց մեքենայի պետհամարանիշերը։

Լեզվակռիվ է սկսվել, այն ավելի չբարդացնելու համար Դարբինյանը ներկայացրել է ԱԱԾ աշխատակցի վկայականը։ ՌՈ քրեականի պետի տեղակալը ծաղրել է վերջինիս,  նվաստացրել ԱԱԾ աշխատակցի պատիվն ու արժանապատվությունը, ապա ասել․ «Խի ես ուդոտ ցույց տալի, արա»։

Լեզվակռիվը վերածվել է ծեծկռտուքի։ 2 այլ մեքենայով մոտեցել են ՌՈ քրեականի պետի տեղակալի 5 ընկերները, ապա բոլորը միասին քարերով եւ ռետինե մահակով հարվածներ են հասցրել Յուրա Դարբինյանին, նրա մորը,  քաշքշել ու գետնին են գցել նրա հղի կնոջը, օգնության հասած երեխային նետել են ձյան մեջ։

ՀՀ ՆԳՆ լրատվականից «Հրապարակ»-ի հայտնեցին, որ դեպքի վերաբերյալ հաղորդումը եւ կից կազմված փաստաթղթերը ուղարկվել են վարույթն իրականացնող մարմնին։ Քրեական վարույթը գտնվում է ՀՀ ՔԿ զինվորական քննչական գլխավոր վարչության 4-րդ կայազորային քննչական բաժնում։ Մեր տեղեկություններով ՌՈ քրեականի պետի տեղակալը, եւս 2 հոգի կալանավորվել են։

Նշենք, որ շատերին է հայտնի Յուրա Դարբինյանը Հայաստանի զինված ուժերում ունեցած իր հաջողություններով։

2014թ․-ին լինելով Հայաստանի տանկիստների առաջին անձնակազմի հրամանատարը Ռուսաստանի Դաշնության «Ալաբինո» ուսումնական զորավարժարանում ընթացող «Տանկային բիաթլոն-2014» միջազգային մրցումներին Հայաստանը զբաղեցրեց երկրորդ տեղը եւ մեր հավաքականը շնորհիվ Դարբինյանը շահեց Т-90 տանկ, որի արժեքը գնահատվում էր ավելի քան 10 միլիոն դոլար։

The post ՊՆ ՌՈ քրեականի պետի տեղակալը 7 հոգու հետ դաժան ծեծի է ենթարկել ԱԱԾ աշխատակցին appeared first on Social Blog.

ՀՀ ազգային անվտանգության ծառայության հակահետախուզության և քննչական գլխավոր վարչությունների ծառայողների իրականացրած համալիր օպերատիվ-հետախուզական միջոցառումների ու վարութային գործողությունների արդյունքում բացահայտվել է անօրինական միգրացիայի կազմակերպման հերթական դեպքը։

Մասնավորապես, իրականացված ապացուցողական և վարութային այլ գործողությունների արդյունքում պարզվել է, որ Երևան քաղաքի բնակիչ Ա.Մ-ն և «Պրոգրեսիվ նոլիջիս» ՍՊ ընկերության տնօրեն Ռ.Մ-ն, նախնական համաձայնությամբ, խմբի կազմում, շահադիտական նպատակով, միմյանց գործողություն­ները փոխլրացնելով 2023 թվականի փետրվար-ապրիլ ամիս­ների ընթացքում ՀՀ քաղաքա­ցի­ներ Գ.Ս-ի և Ռ.Պ-ի անօ­րի­նական միգրացիան, այն է` ԱՄՆ վեր­ջին­ներիս մուտքի և գտնվելու թույլտվություն ստանալը կազմակերպելու նպատակով նրանցից յուրաքանչյուրից պահան­ջել և ստացել են 15.000-ական ԱՄՆ դոլար գումար:

Այնուհետև ԱՄՆ մուտքի և գտնվելու պատշաճ թույլտվություն ստանալու համար նախատեսված փաստա­թղթերի փաթեթներում ներառել են իրավաբանական նշանակություն ունե­ցող փաս­տեր հավաստող և իրավունք վերա­պա­հող բովանդակությամբ կեղծ աշխատա­վայրի և աշխատա­վարձի չափի, ինչպես նաև ուսումնական հաստատու­թյուն ավար­տելու և որակավորում ստանալու վերաբերյալ տեղե­կանք­ներ, դիպլոմներ և վկայականներ, որոնք հանձնել են վերը նշված անձանց, ովքեր իրենց հերթին դրանք ներկա­յացրել են Հայաս­տանի Հանրապետության տարածքում գործող իրավասու մարմին:

Նախաքննության ընթացքում խուզարկություններ են կատարվել Ռ.Մ-ի, Ա.Մ-ի, ինչպես նաև վերջիններիս ծառայություններից օգտվող անձանց բնակության հասցե­­ներում և տուրիստական կազմակերպություն հանդի­սացող աշխատավայրում, որի արդյունքում հայտնա­բերվել և վերցվել են կեղծ դիպլոմներ, աշխատավայրի և աշխատավարձի չափի, ինչպես նաև ուսումնական հաստատություն ավարտելու վերաբերյալ կեղծ տեղեկանքներ, բանկային շարժի վերա­բերյալ քաղվածքներ, կնիք­ներ, համակարգիչներ, բջջային հեռախոսներ, ամուսնության և ծննդյան վկայական­ներ, կնիքված դատարկ հավաս­տագ­րեր, պատվոգրեր, անձնագ­րեր, որոնցում առկա են եղել «Շենգենյան համաձայ­նության երկրներ» մուտքի արտո­նագրեր, տարբեր անձանց վերաբերյալ բազմաթիվ փաստաթղթեր և հանցագոր­ծության կատար­ման համար նախատեսված այլ իրեր ու առարկաներ։

Ձեռք բերված փաստական տվյալների հիման վրա քննիչի միջնորդությամբ հսկող դատախազի կողմից որոշումներ են կայացվել հանցավոր խմբի անդամներ Ա.Մ-ի և Ռ.Մ-ի նկատմամբ ՀՀ քրեական օրենսգրքի համապատասխան հոդվածներով հանրային քրեական հետապնդում հարուցելու մասին, նրանց նկատմամբ որպես խափանման միջոց է կիրառվել կալանքը:

Քրեական վարույթով նախաքննությունը շարունակվում է, իրականացվում են քննչական անհրաժեշտ գործողություններ և օպերատիվ-հետախուզական միջոցառումներ՝ դեպքի բոլոր հանգամանքները, հանցավոր խմբում ներգրավված անձանց ամբող­ջական շրջանակը պարզելու և նրանց նկատմամբ քրեաիրավական ներգործու­թյան միջոցներ կիրառելու համար:

ՀՀ ազգային անվտանգության ծառայությունը հորդորում է ՀՀ քաղաքացիներին արտերկիր մեկնելիս և վերադառնալիս զերծ մնալ անօրինական միգրացիայի գործընթացներում ներգրավվելուց, բացառել կեղծ փաստաթղթերի օգտագործումը և խոշոր գումարների տրամադրումը նշված գործընթացներն անօրինական եղանակով կազմակերպող անձանց:

Միաժամանակ, ՀՀ ազգային անվտանգության ծառայությունը կոչ է անում բոլոր այն քաղաքացիներին, ովքեր տուժել են նշված խմբի գործողություններից, դիմել իրավապահ մարմիններին։

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։

The post ԱԱԾ-ի նոր բացահայտումը (Տեսանյութ) appeared first on Social Blog.