«Հրապարակ» թերթը գրում է. «Պատգամավորներ Գեղամ Մանուկյանը, Քրիստինե Վարդանյանը եւ Ասպրամ Կրպեյանն անցած ուրբաթ այցելել էին ՀՀ ԱԳՆ՝ Հայաստանի հարաբերությունների կարգավորման պայմանագրի, այլ կերպ ասած՝ Ադրբեջանի հետ խաղաղության պայմանագրի առաջարկներին ծանոթանալու: Չնայած նրանք չեն հրապարակայնացնում, Մանուկյանի բնորոշմամբ՝ «հույժ գաղտնի նշումով փաստաթղթի կետերը», սակայն մեզ որոշ մանրամասներ են հայտնի դարձել 6 էջանոց գրագրությունից։

Ընդդիմադիրներին ոչ թե խաղաղության պայմանագրի տեքստն են ներկայացրել, այլ այն, թե կողմերն ինչ պահանջներ են դնում միմյանց առաջ։ Պարզվում է՝ ամենաառանցքային հարցերում փոխհամաձայնություն չկա, կա ադրբեջանական կողմի պահանջ եւ հայկական կողմի համաձայնություն։

Պարզվում է՝ Ալիեւի համար ֆունդամենտալ նշանակություն ունի Արցախի զավթումը լեգիտիմացնելը։ Նա պահանջում է, որ Հայաստանը հստակորեն ճանաչի Ադրբեջանի տարածքային ամբողջականությունը՝ 86.6 հզ/կմ-ն, որի կազմում է նաեւ Արցախը, ինչը կփակի «ռեւանշի» հավանականությունը։

Բայց ինքը չի պատրաստվում գոնե ճանաչել Հայաստանի 29 հազար 800 ք/կմ-ն։ Ինչ-որ ընդհանուր ձեւակերպում է նախընտրում, որ պայմանագրում ոչ թե թիվ ամրագրվի, այլ նշվի բառերով տարածքային ամբողջականության մասին։

Իսկ բուն ՀՀ տարածքը պարզ կդառնա սահմանազատումից հետո։ Մերժում է նաեւ դելիմիտացիան իրականացնել որեւէ տարեթվի քարտեզով։

Ու թեեւ ընտրությունը 1974 եւ 79 թթ․ քարտեզների միջեւ է, սակայն Ադրբեջանը տարածքային նկրտումներ ունի եւ ուզում է դեմարկացիա-դելիմիտացիայի ժամանակ նոր տարածքներ զավթել Հայաստանից, ուստի որեւէ քարտեզի հետ համաձայն չէ։

Առաջարկների մեջ նշված են նաեւ անկլավները, ճանապարհների ապաշրջափակումը։ Գեղամ Մանուկյանը նշել էր, որ «առաջարկներին ծանոթանալը միայն փաստեց դրա վտանգավորությունը եւ ամրապնդեց բոլոր մտավախությունները»։

The post Ադրբեջանը խաղաղության պայմանագրով ինչ է պահանջում Հայաստանից. Մանրամասներ appeared first on Social Blog.

2020 թվականի դեկտեմբերի 13-14-ը առևանգված անձինք՝

 Ավագյան Հրաչ Արզումանի

2. Սերոբյան Գեղամ Սամվելի

3. Հովհաննիսյան Հայկազ Կորյունի

4. Թոսունյան Լևոն Աշոտի

5. Բաղդասարյան Արթուր Էդուարդի

6. Ստեփանյան Դավիթ Ստեփանի

7. Հերաբյան Հրայր Հրաչի

8. Միքայելյան Անդրանիկ Վազգենի

9. Ավագյան Սերոպ Սուրենի

10. Կոստանյան Նարեկ Աղայի

11. Հարությունյան Վարազդատ Սերյոժայի

12. Մարտոյան Մանուկ Հովհաննեսի

13. Վարդանյան Արսեն Արայիկի

14. Դիլանյան Արման Վազգենի

15. Թադևոսյան Հրայր Վարդանի

16. Բահրիկյան Վահագն Էդիկի

17. Արամյան Կարեն Արմենի

18. Սուքիասյան Անդրանիկ Սրապի

19. Մարտիրոսյան Գևորգ Սամվելի

20. Կիրակոսյան Էդուարդ Արմենի

21. Գևորգյան Ռոբերտ Հովիկի

22. Եղիազարյան Սասուն Սեյրանի

23. Հակոբյան Վոլոդյա Գագիկի

24. Ավագյան Տիգրան Մանիկի

25. Սաղաթելյան Գրիգոր Սեյրանի

26. Ավետիսյան Վաղարշակ Աշոտի

2021 թվականի մայիսին, ինչպես նաև Լաչինի ապօրինի անցակետից առևանգվածներ՝

1. Ռաֆայել Վլադիմիր Օթարի

2. Սարգսյան Իշխան Աշոտի

3. Հովակիմյան Հարություն Յուրիկի

4. Ղազարյան Կարեն Աշոտի

5. Ոսկանյան Գագիկ Աշոտի

6. Էուլջեքջյան Վիգեն Աբրահամի

The post Ադրբեջանական կողմը հրապարակել է Հայաստան վերադարձող գերիների անունները appeared first on Social Blog.

ՀՀ կառավարությունը հայտարարություն է տարածել: Այն ներկայացնում ենք ստորև.

«Հայաստանի Հանրապետության վարչապետի աշխատակազմի և Ադրբեջանի Հանրապետության նախագահի վարչակազմի համատեղ հայտարարությունը․

«Հայաստանի Հանրապետությունը և Ադրբեջանի Հանրապետությունը համակարծիք են, որ տարածաշրջանում վաղուց սպասված խաղաղության հասնելու պատմական հնարավորություն կա: Երկու պետությունները վերահաստատում են ինքնիշխանության և տարածքային ամբողջականության սկզբունքների հարգման հիման վրա հարաբերությունները կարգավորելու և խաղաղության պայմանագրի կնքմանը հասնելու իրենց մտադրությունը:

Հայաստանի Հանրապետության վարչապետի աշխատակազմի և Ադրբեջանի Հանրապետության նախագահի վարչակազմի միջև բանակցությունների արդյունքում պայմանավորվածություն է ձեռք բերվել երկու պետությունների միջև վստահության կառուցման ուղղությամբ շոշափելի քայլեր ձեռնարկելու մասին:
Առաջնորդվելով մարդասիրության արժեքներով, և որպես բարի կամքի դրսևորում, Ադրբեջանի Հանրապետությունն ազատ է արձակում 32 հայ զինծառայողների:

Հայաստանի Հանրապետությունն իր հերթին, առաջնորդվելով մարդասիրության արժեքներով, և որպես բարի կամքի դրսևորում, ազատ է արձակում 2 ադրբեջանցի զինծառայողների:

Որպես բարի կամքի քայլ` Հայաստանի Հանրապետությունն իր աջակցությունն է հայտնում ՄԱԿ-ի Կլիմայի փոփոխության մասին շրջանակային կոնվենցիայի Մասնակիցների կոնֆերանսի 29-րդ նստաշրջանը («COP29») հյուրընկալելու նպատակով Ադրբեջանի Հանրապետության ներկայացրած հայտին և հանում է իր թեկնածությունը: Հայաստանի Հանրապետությունը և Ադրբեջանի Հանրապետությունը հույս են հայտնում, որ Արևելյան Եվրոպայի խմբի մյուս պետությունները նույնպես կաջակցեն հյուրընկալելու նպատակով Ադրբեջանի Հանրապետության ներկայացրած հայտին:

Որպես բարի կամքի քայլ` Ադրբեջանի Հանրապետությունն իր աջակցությունն է հայտնում Արևելյան Եվրոպայի խմբի «COP»-ի բյուրոյին անդամակցելու համար առաջադրված` Հայաստանի Հանրապետության թեկնածությանը:

Հայաստանի Հանրապետությունը և Ադրբեջանի Հանրապետությունը կշարունակեն իրենց քննարկումները վստահության կառուցման ավելի շատ միջոցառումների իրականացման վերաբերյալ՝ մոտ ապագայում կյանքի կոչելու համար, և կոչ են անում միջազգային հանրությանը`աջակցելու իրենց ջանքերին, որոնք կնպաստեն երկու պետությունների միջև փոխադարձ վստահության կառուցմանը և դրական ազդեցություն կունենան Հարավային Կովկասի ողջ տարածաշրջանի համար»»:

The post Ադրբեջանն ազատ է արձակում 32 հայ զինծառայողների. Հայաստանը՝ 2 ադրբեջանցիների appeared first on Social Blog.

Այս մասին հայտնում են ադրբեջանական լրատվականները:

Ինչպես հաղորդում է ԱՊԱ-ն, այսօր Սաբունչիի շրջանային դատարանում Գյանջայի ծանր հանցագործությունների դատարանի դատավոր Աբդուլա Մամեդովի նախագահությամբ տեղի ունեցած դատավարության ժամանակ հայտարարվել է դատական ​​հետաքննության ավարտի մասին։

Ոսկանյանը մեղադրվում է օգոստոսի 16-ին «Ադրբեջանի պետական սահմանը խախտելու և ահաբեկչական և դիվերսիոն գործողություններ իրականացնելու փորձի» համար։

Հիշեցնենք, որ այս տարվա օգոստոսին Ադրբեջանի դատախազությունը հայտնել էր ՀՀ պահեստազորային Գագիկ Ոսկանյանի հետ կապված քրեական գործ հարուցելու և նրան կալանավորելու մասին։ Օգոստոսի 16-ին ՀՀ պաշտպանության նախարարությունը հայտնել էր, որ պահեստազորային Գ. Ո.-ն, նախնական տվյալներով, ինքնակամ թողել է մարտական դիրքը:

ՊՆ-ն հերքել էր այն հաղորդագրությունը, թե իբր ՀՀ ԶՈՒ-ն սահմանագոտու արևելյան հատվածում դիվերսիոն ներթափանցման փորձ է կատարել։

The post Գագիկ Ոսկանյանը Ադրբեջանում դատապարտվեց 18 տարվա ազատազրկման appeared first on Social Blog.

Նրա խոսքով, Ադրբեջանը կանգնած է միջազգային մարտահրավերների առջեւ։ Նախագահը բացատրել է, որ Բաքուն որոշակի թյուրիմացություն ունի որոշ երկրների հետ, որոնց հանրապետությունը համարում է իր գործընկերները։

«Մենք նրանց փոխանցում ենք մեր դիրքորոշումը և կարևորում ենք միջազգային իրավունքի կիրառումը բոլոր երկրների նկատմամբ, այն չպետք է լինի ընտրովի, դրա կատարումը պարտադիր է բոլորի համար։ Ադրբեջանը բոլոր հարցերը լուծել է՝ օգտագործելով ինքնապաշտպանության իրավունքը՝ համաձայն 51-րդ հոդվածի։ ՄԱԿ-ի կանոնադրությունը»,- նշել է Ադրբեջանի ղեկավարը։

The post Ադրբեջանը չի ցանկանում պատերազմ Հայաստանի հետ․ ինչ փակագծեր է բացել Ալիևը appeared first on Social Blog.

Ֆրանսիայի Հանրապետության մշակույթի նախարար Ռիմա Աբդուլ-Մալակը Հայաստան կատարած այցի ժամանակ հնչեցրել է Ղարաբաղի տարածքում հայկական պատմամշակութային հուշարձանների անհետացման սպառնալիքի հետ կապված ահազանգեր և կոչ արել ստեղծել դրանց պաշտպանության տարբեր մեխանիզմներ։

Ադրբեջանի արտաքին գործերի նախարարության մամուլի քարտուղար Այխան Հաջիզադեն, չկարողանալով թաքցնել գերատեսչության վերաբերմունքը ֆրանսիական կողմի նկատմամբ, մեկնաբանել է Ֆրանսիայի մշակույթի նախարարի այս հայտարարությունները՝ նշելով, թե ֆրանսիացի պաշտոնյայի այցը և Ղարաբաղի տարածքում մշակութային ժառանգության մասին հայտարարությունները իբր ֆրանսիական կողմի «հերթական թուլության և կողմնակալության» օրինակ են։

«Ադրբեջանը քաջ գիտակցում է իր տարածքում գտնվող բոլոր մշակութային և պատմական հուշարձանների պաշտպանության կարևորությունը և մասնավորապես իր պարտավորությունները։

Ֆրանսիան բարոյական իրավունք չունի նման պահանջներ ներկայացնելու որպես երկիր, որը բռնագրավել է այլ ժողովուրդներին պատկանող պատմամշակութային գույքը։

Հայտարարությունները, որ մշակութային և պատմական հուշարձանները վտանգի տակ են գտնվում, անհիմն են, ինչը հաստատել են տարածաշրջանում ՄԱԿ-ի երկու առաքելությունները», հայտարարել է Հաջիզադեն՝ մոռանալով, սակայն, որ ՄԱԿ-ի նշյալ առաքելությունները անգամ ԼՂ են այցելել արդեն ամբողջական բռնի հայաթափումից հետո, չեն այցելել պատմամշակութային վայրեր, չեն ուսումնասիրել կոթողները, այլ տվել են ընդհանրական ու կողմնակալ կարծիք, գրում է Armtimes-ը։

The post Ադրբեջանն արձագանքել է Ֆրանսիային appeared first on Social Blog.