Քո ամենազոր աջով պահապան եղիր ամեն մի հայորդու, քո հաղթական խաչով հալածիր մեր թշնամիներին, Քո Սուրբ Հոգով միաբանիր Հայ ազգին՝ լցնելով բոլորի սրտերը խաղաղությանբ, սիրով և հավատով, քանզի Քեզ ենք դավանում որպես միակ ճշմարիտ Աստված և միայն Քեզ ենք ճանաչում որպես Տեր հավիտյանս հավիտենից. Ամեն:

The post Աղոթք հայ ազգի համար․ Աստված պահապան բոլորիս appeared first on Social Blog.

այս ցերեկ և խաղաղությամբ հասցրեցիր երեկոյան ժամին:

Եվ այժմ աղաչում եմ Քեզ, Տեր իմ և Աստված իմ, որ ստեղծեցիր ցերեկը՝ գործելու և գիշերը՝ մեր տկար բնության հանգստի համար,

արդ, տուր Քո ծառային մարմնով ննջել և հոգով ու մտքով արթուն մնալ:

Տեր իմ և Աստված իմ, ահա ես ննջում եմ ու ընկած եմ անկենդան դիակի նման և չգիտեմ՝ ե՞րբ ու ինչպե՞ս եմ արթնանալու,

ուստի հոգիս, մարմինս և իմ բոլոր պարագաները Քո անհուն ողորմության մեջ են: Եվ խնդրում եմ, որպեսզի Դու Քո ամենազոր աջով

կնքես Քո ծառայի տեղն ու հարկը, ելքն ու մուտքը, որ ննջեմ ապահով և աներկյուղ, խաղաղությամբ ու առանց փորձանքների:

Պահպանիր ինձ իմ հոգեկան և մարմնական բոլոր թշնամիներից ու նրանց որոգայթներից, փրկիր ինձ խավարում շրջող չարից,

գիշերային և զարհուրեցուցիչ երևումներից:

Մաքրիր իմ միտքը բոլոր թյուր մտածումներից, աղտեղի խորհուրդներից և բոլոր մեղսածին շարժումներից:

Քո հանցավոր ծառային պահապան և վերակացու կարգիր երկնային զինվորություններիդ բանակին՝ իմ հրեշտակի հետ,

ու Քրիստոսիդ ամենահաղթ Խաչի նշանը, որոնց (օգնությամբ) այս գիշեր կննջեմ ապահով և աներկյուղ ու խաղաղությամբ

կհասնեմ առավոտյան ժամին, որպեսզի և այնժամ փառավորեմ Հորը և Որդուն և Սուրբ Հոգուն, Որին միշտ վայել է փառքը և երկրպագությունը հավիտյանս հավիտենից.

Ամեն

The post Երեկոյան աղոթք քնելուց առաջ appeared first on Social Blog.

Շատ հաճելի է ինչ-որ լավ բանի մասին մտածել և խոսել, սակայն շատ դժվար է հաղթահարել մտքերը, ցրվածությունը ու նայել հոգուց դեպի ներս` մի կողմ թողնելով ամեն ինչ, թե՛ մտածումներ, թե՛ ցանկություններ և լինել Աստծո ներկայության մեջ` հաղորդակցվելով Երկնավոր Հոր հետ: Հենց դա արդեն աղոթք է` հաղորդակցություն առ Աստված` շրջանցելով մտքերդ և խնդիրներդ ու թափանցել անտեղ, որտեղ Աստծո ներկայությունն է, հոգու խորքում գտնվող աղոթքի տարածությունը, այսինքն` այն վայրում, որտեղ դադարում ես մտածել, թե ինչ հասակ ունես, արդյոք գեղեցիկ ես, ամուսնացած ես, գումար ունես, թե չունես և այլն:

Թափանցում ես այնտեղ, որտեղ մտքերն այլևս պատնեշ չեն ստեղծում քո և Աստծո միջև, որովհետև մուտք ես գործում հոգուդ խորքը: Եթե մենք կարողանանք աղոթել այդպես, այդժամ մեզ որևէ խնդիր չի անհանգստացնի և տագնապ, տառապանք պատճառի:

The post Աղոթքը փրկարար դեղամիջոց է appeared first on Social Blog.

Հավերժի Աստված և բոլորի արարիչ, որ այս օրից սկսած նախ ստեղծեցիր երկինքն ու երկիրը, առանձնացրիր լույսը խավարից: Մեղքով խավարյալս ընկնում եմ քո առջև և աղաչում քեզ, իմ Տեր և Աստված, լուսավորիր խավար խորհուրդներս ու մթով ծածկված մտքերս, բաց արա զգայարանիս առագաստը գործելու և անպիտան ծառայիս ծագեցրու քո ճառագայթների շողը:

Փա՛ռք անպատում, որ փարում էիր անհուն համասփյուռ ջրերի վրա, փայլեցրու նվաստիս փառքիդ սրբարար լույսը, մեղքերից մաքրիր բազմամեղիս և սրբիր անսահման սխալներից: Տեր և Աստված իմ, որ այս օրը լույսը տիվ անվանեցիր, իսկ խավարը` գիշեր, իմ մեղքի գիշերը և իմ անօրինությունների խավարը հերքիր ու հեռացրու ինձնից:

Բայց դու, Տեր, գթած և մարդասեր, որ երկնքի ու երկրի լինելուց առաջ նախապես պատրաստեցիր արքայությունդ սուրբ առաքյալներին և բոլոր քեզ սիրողներին, ինձ ևս արժանի արա նրանց հետ ժառանգելու խոստացածդ բարիքները և նրանց հետ փառավորելու Երրորդությունդ. հավիտյանս հավիտենից. ամեն:

Հովհաննես վարդապետ Գառնեցի

The post Սուրբ Կիրակին սկսենք այս հզոր աղոթքով appeared first on Social Blog.

Ընդհանրապես աղոթքը հրաշքներ կարող է գործել, եթե աղոթենք ամբողջ հոգով, ամբողջ սրտով: Աղոթքը դա երկխոսություն է Ատծո հետ, խնդրանք ուղղված նրան օգնելու կամ երախտապարտության զգացումը հայտնելու համար: Եվ միշտ պետք է շնորհակալություն հայտնեզ Տիրոջը, որովհետև նա միշտ մեզ հետ է ու պաշտպանում է մեզ:

Ամեն օրը արդեն իսկ տոն է, պարգև է տրված Աստծո կողմից: Սակայն միշտ չէ որ օրը անցնում է հանգիստ, երբեմն ի հայտ են գալիս դժվար իրավիճակներ, որոնցից ելք գտնելը երբեմն թվում է մեր ուժերից վեր: Եթե այնուամենայնիվ ծագել է որևէ դժվարին իրավիճակ, և չգիտեք ինչ անել, ինչ նախաձեռնել, ապա կարդացեք այս աղոթքը.

«Ամենազոր Ատված, օգնիր ինձ, խնդրում եմ, արժանացրու քո ողորմությանը և օգնիր լուծում գտնել, որից չեն տուժի ոչ ոք: Օգնիր ինձ արդարություն գտնել և բոլոր հարցերին տալ ճիշտ պատասխան:

Ներիր իմ մեղքերը, որոնք ես պետք է գործեմ այլ խնդիրներից խուսափեու համար:  Տեր և սուրբ Տիրամայր, ինձ հոգևոր ուժ տվեք, ինձ ցույց տվեք ճիշտ ելքը, որը արագ լուծում կտա իմ խնդիրներին: Ազատեք ինձ վախերից, որոնք ինձ ավելի թույլ են դարձնում և լուսավորեք ինձ ձերց լույսով:

Տեր, խնդրում եմ սովորեցրու մեզ կարեկից լինել և մեզ ուժ տուր դիմակայելու ցանկացած իրավիճակներին: Ամեն»:

The post Այս աղոթքը Ձեզ կօգնի ելք գտնել դժվարին իրավիճակներում. Աղոթեք առ Աստված appeared first on Social Blog.

Ծնողի սերը իր երեխաների հանդեպ անսահման է և խորիմաստ։ Այդ սերը չի արտահայտվում միայն հոգատարությամբ ու ուշադրությամբ, այլ նաև անհուն հավատով, որ Աստված կպահպանի նրանց կյանքի ճանապարհին։

Ծնողի աղոթքը երեխաների համար իր մեջ ներառում է ոչ միայն պաշտպանություն, այլև հոգևոր ուժ ու առաջնորդություն՝ ճիշտ ուղիներ ընտրելու համար։

Ծնողի աղոթքը

«Տեր Աստված, պահպանիր իմ երեխաներին ամեն չարից, առաջնորդիր նրանց դեպի բարին և լուսավորիր նրանց ճանապարհը։ Տուր նրանց ուժ, իմաստություն ու բարություն, որ միշտ քո ճշմարիտ ուղու վրա մնան։

Պաշտպանիր նրանց սրտերն ու հոգիները՝ լցնելով սերը, հավատն ու հույսը։ Ամեն։»

The post Ծնողի սերը իր երեխաների հանդեպ անսահման է․ ծնողի աղոթքը երեխաների համար appeared first on Social Blog.

Մենք բոլորս էլ հավատում ենք, որ ունենք մեր պահապան հրեշտակը: Նա պահպանում է մեզ ամեն տեսակ չարիքից:

Ամեն առավոտ կարդացեք այս տողերը, անգիր արեք դրանք, և աչքերը բացելուն պես մտքում կրկնեք, և կտեսնեք, թե ինչպես է փոխվում կյանքը դեպի լավը: Այս խոսքերի միջոցով դուք կանչում եք ձեր պահապան հրեշտակին:

Խոսքերն ասեք հանգիստ, դանդաղ, առանց ոչ մի ուրիշ բանի մասին մտածելու:

Իմ պահապան հրեշտակ, Իմ փրկիչ, իմ ազատարար, Փրկիր ինձ, պահպանիր ինձ, պաշտպանիր ինձ Իմ թշնամիներից, նրանց տար յոթ սարից այն կողմ, Հեռու պահիր ինձ չար աչքից և Հուդայի գործերից, Ամեն տեսակ վատ բաներից, Մթությունից, անոթի մեջ քողարկված թույնից, կայծակից ու որոտից Հեռու պահիր ինձ զայրույթից և պատժից, գազանների երախից, սառույցից ու կրակից, սև օրից Եվ հենց հասնի իմ վերջին ժամը, իմ հրեշտակ, իմ պահապան, Կանգնիր իմ գլխավերևում ու թեթևացրու հարազատերիս հետ բաժանման ու այս կյանքից հեռանալու ցավը. Ամեն

The post Հաճախ կարդացեք այս աղոթքը և կհամոզվեք, որ ձեզ կուղեկցի միայն հաջողությունը appeared first on Social Blog.

Ծնողները շատ կարևոր են յուրաքանչյուր մարդու կյանքում, ծնողները մեր կողքին են մեր ծննդյան առաջին իսկ պահից և ողջ կյանքում աջակցում են մեզ, սովորեցնում են սիրել և հասկանալ շրջապատող աշխարհը:

Նրանցից յուրաքանչյուրը կյանքում դեր է խաղում, նրանք փորձում են իր երեխային սիրով և ջերմությամբ պարուրել, նրանց կյանքի գլխավոր նպատակը երեխային երջանիկ տեսնելն է: Նրանք շատ կարեւոր դեր են խաղում անձի ձեւավորման գործում:

Ծնողական սիրո արդյունքն է երեխայի բարձր ինքնագնահատականը, ընտանեկան հավասարակշռությունը, երջանիկ ընտանիքի ստեղծման ցանկությունը:

Աղոթք ծնողների համար ․«Տէր Յիսուս Քրիստոս, այս աղօթքն ընդունիր իմ ծնողներիս համար: Նրանց միասնություն տուր եւ սիրիր նրանց կյանքի բոլոր օրերը: Ամրացրու նրանց մարմինները առողջության համար:

Սովորեցրու ինձ միշտ հնազանդ լինել ծնողի խոսքին: Ազատիր ինձ կեղծավորությունից եւ չարությունից՝ նրանց հետ վարվելիս։ Պահիր ու պահպանիր ծնողներիս։ ԱՄԵՆ.

The post Տեր Հիսուս Քրիստոս, այս աղոթքն ընդունիր իմ ծնողներիս համար appeared first on Social Blog.

Մի օր անհանգստացած մայր եկավ Աստծո մոտ և խնդրեց․

– Ես եկել եմ, Աստված ջան, որ մի բան խնդրեմ։ Պաշտպանիր իմ որդուն, թույլ մի տուր, որ հիմարություններ գործի, հատկապես հիմա։ Նա դեռահաս է, ուզում է կյանքում ամեն ինչ փորձել, իսկ ես վախենում եմ, որ սխալ ուղու վրա կկանգնի։

Աստված՝ լուրջ հայացք գցելով կնոջ վրա, հարցրեց․

– Դու համարու՞մ ես, որ ես հոգ չեմ տանում որդուդ մասին։ Դա հենց այն է, ինչով ես զբաղվում եմ․ հոգ եմ տանում բոլորի մասին։

– Հա, բայց․․․ Ես չեմ ուզում, որ նա դառնա իր ցանկությունների գերին։ Չեմ ուզում, որ տառապի կամ վտանգի մեջ հայտնվի։

– Դա կօգնի նրան սովորել, թե նա ինչպես է ուզում ապրել, ինչ է ուզում անել։ Նա է իր ընտրությունների տերը։ Յուրաքանչյուր մարդ այս աշխարհում ունի ընտրության իրավունք, նրանք կամ սովորրում են սեփական սխալների վրա, կամ՝ ոչ։ Դա նույնպես ընտրություն է։

-Բայց ես ուզում եմ նրան հեռու պահել ամեն հնարավոր ցավից։ Ես նույնիսկ ինձ մոտ միշտ ծղոտ եմ պահում, որ եթե հանկարծ սայթաքի, փափուկ տեղ ընկնի։

– Եվ դու ի՞նչ ես ուզում ինձանից, որ նա ուր գնա, ամենուր ծղոտ լինի՞։ Ուզում ես նրան այդ կերպ օգնե՞լ։ Լավ։ Արի, ես քեզ մի բան ցույց կտամ։

Աստված ձեռքով ցույց է տալիս դեպի Երկիր, կինը տեսնում է որդուն։ Նրա շուրջ շատ ծղոտ կա, որը կարծես սահման լինի, իսկ տղան էլ կանգնած է մեջտեղում։ Դեռահասը ուզում է դուրս գալ “բանտից”, բայց նրա մոտ չի ստացվում, նա մի կողմից մյուս կողմ է վազում, բայց նրան ոչ ոք չի օգնում։ Կինը նայում է ու չի հասկանում, թե ինչ է կատարվում։

Այդ ժամանակ տղան այրեց ծղոտը և դուրս եկավ։ Կինը սկսեց գոռալ, որ հիմա կփրկի նրան։ Սակայն Աստված թույլ չտվեց՝ կանգնեցնելով նրան․

– Դու տեսա՞ր, թե ինչպես է ծնողն օգնում երեխային ստանալ այն, ինչ չի կարելի։ Դուք ինքներդ եք առիթ տալիս, ավելի շատ ծղոտ տալիս, որ նրանք այրելու բան ունենան։ Դուք չեք ուզում երեխաներին ընտրության իրավունք տալ։ Եթե դու վախենում ես, որ նա կընկնի, մտածիր, թե ինչ կարող ես անել, որ ոտքի կանգնի, այլ ոչ թե փորձիր խուսափել ընկնելուց։

Վայրէջքներն ու վերելքներն անխուսափելի են։ Եվ ամեն մարդ ունի ազատության իրավունք։ Յուրաքանչյուր մարդ ինքն է որոշում՝ քայլել առաջ թե մնալ նույն տեղում։ Եթե որոշում ես թույլ չտալ երեխային ընկնել, նրան ապահովում ես էներգիայով, և այդ ամենը տանում է դեպի այն, ինչից ամենից շատն ես վախենում։

– Մի՞թե Դու ասում ես ինձ, որ ես չօգնեմ երեխայիս։

– Դու չպիտի տանջես քեզ մշտական տագնապի զգացումով։ Դու կարող ես որդուդ մասին հոգ տանել։ Իսկ ես հետևում եմ բոլորին, ամեն ինչ տեսնում եմ։ Իսկ մնացածը յուրաքանչյուրի հավատի հարցն է։

The post Մի կնոջ հաջողվեց մտնել Աստծո մոտ և նա ընդամենը մի բան խնդրեց appeared first on Social Blog.

Յուրաքանչյուր երեխայի համար կյանքում չկա ավելի մեծ պաշտպանություն քան մոր աղոթքն ու օրհնանքը:

Տեր Հիսուս Քրիստոս, Աստծո Որդի, խնդրում եմ լսիր ինձ, մեղավորիս, քո ողորմությանն եմ հանձնում զավակիս, փրկիր նրան հանուն Քո անվան:

Տեր, ներիր նրա բոլոր մեղ քերը, որը նա կկատարի գիտակցաբար և անգիտակցաբար: Տեր, նրան դիր ճշմարիտ ուղու վրա, թող նա քայլի քո ընտրած ճանապարհով, փրկիր նրա հոգին և մարմինը:

Տեր, օրհնիր նրան տանը, տան մերձակայքում, դաշտում, աշխատավայրում, ճանապարհին, ցանկացած վայրում, որտեղ էլ նա լինի: Թող ամեն տեղ նա գտնվի քո իշխանության տակ:

Տեր պաշտպանիր նրան բոլոր տեսանելի և անտես թշնամիներից, բոլոր տեսակի դժբախտություններից ու անհաջողություններից:

Տեր, նրան հեռու պահիր բոլոր հիվ անդություններից, հեռու պահիր վնասակար սովորություններից և հոգեկան ծանր ապրումներից և վշտից:

Տեր, օրհնիր ինձ, մե ղավորիս ու արժանավորիս, օրհնիր իմ տունն ու իմ զավակների ամեն բացվող առավոտը, երեկոներն ու գիշերները, հանուն Քո անվան, քանի որ Քոնն է արքայությունը և հոզորությունը և փառքը հավիտյանս հավիտենից:

The post Ամենակարող Տեր, պաշտպանիր և օրհնիր իմ տունն ու իմ զավակների ամեն բացվող առավոտը․ մայրական հզոր աղոթք appeared first on Social Blog.