Քաղաքագետ Արա Պողոսյանը ֆեյսբուքյան իր էջում գրում է.

«Որպեսզի պատկերացնեք, թե հիմա Հայաստանն ինչ վիճակում է, ապա ասեմ.

-Ինքնակամ իշխանության ձգտել ու ստանձնել Հայաստանում հիմա կարող են կամ պետությունը որպես հարստանալու միջոց դիտարկող փառամոլները, կամ ավանտյուրիստնեը, կամ մահապարտները։

Հիմա տառապանք է իշխանությունը նրա համար, ով եկել է երկրի փրկության համար։

-Ինչո՞ւ։

-Հիմա Հայաստանում իշխանություն լինել նշանակում է կամ սպասարկել թշնամիների շահը, կամ դեմ գնալ գրեթե բոլորին։ Սա տեսակի, սկզբունքների, արմատների, գիտակցության, դաստիարակության, … հարց է։

Երկրորդ դեպքում հնարավոր է փրկել երկրի ապագան, բայց այստեղ մի նուրբ պահ կա` այդ իշխանությանը ֆիզիկապես են ոչնչացնելու, չի ներվելու «ուժեղ տղերքին» դեմ գնալը։ Այդ իշխանության դեմ կռվելու են դրսում ու ներսում, հարվածներն ամեն տեղից են լինելու ու էստեղ է, որ այդ իշխանությունը պետք է իսկապես լինի ընտրասերված և դիմադրունակ»։

The post «Որպեսզի պատկերացնեք, թե հիմա Հայաստանն ինչ վիճակում է, ասեմ». Արա Պողոսյան appeared first on Social Blog.

Քաղաքագետ Արա Պողոսյանի ֆեյսբուքյան գրառումը․

«Տպավորություն է, որ ՀՀ իշխանությունները փորձում են ժողովրդին պատրաստել 8 գյուղերի հանձնմանը։

Ընդ որում, արդիական է նաեւ ռազմական գործողությունների միջոցով հանձնման սցենարը, եթե իշխանությունները համարեն, որ ժողովրդական ընդվզում է հնարավոր։

Դրանից խուսափելու հնարավորություն ունեն, ուստի պետք է հստակ եւ պարզ խոսեն ժողովրդի հետ։ Պետք է բացատրեն, թե ինչ ողբերգական հետեւանքների է հանգեցնելու 8 գյուղերի հանձնումը և հատկապես Տիգրանաշենը և Վերին Ոսկեպարը։ Եթե պատրաստվում են հանձնել, ապա ժողովուրդը ինքը պետք է որոշի` պատրաստ է, թե՞ ոչ հետագա հետևանքները կրելուն։

Իշխանությունները նաև պետք է պարզ հայտարարեն, որ եթե ժողովուրդը դեմ լինի, պատրաստ են հրաժարական ներկայացնել։

Սա արդեն Հայաստանի համար ճակատագրական է։ Արցախի օկուպացիայից հետո մասնատման վտանգի առաջ է կանգնում հենց Հայաստանը, որի հենց սրտում թշնամին սեփական ներկայություն հաստատելու հնարավորություն է ստանում։

Իշխանությունները արեւմտյան գործընկերներին, որոնք այս պահին հանդիսանում են հայ – ադրբեջանական կարգավորման գործընթացի միջնորդ-երաշխավորներ, պետք է հստակ ներկայացնեն այս գյուղերի ռազմավարական նշանակությունը Հայաստանի համար և ամեն ինչ անեն, որպեսզի ձևավորվի կոնսենսուս «Արծվաշենը 8 գյուղերի դիմաց» պայմանավորվածություն ստանալու, ՀՀ-ից օկուպացված մյուս շրջանների դեօկուպացիայի համար։

Այս փուլում սա նվազագույնն է, որ պետք է կատարվի, իսկ ինչ վերաբերվում է այսպես կոչված «զանգեզուրյան միջանցքին», Հայաստանը ինքը իրանական այլընտրանքը պետք է դիտարկի որպես կատարված փաստ և հրապարակավ դրական դիրքորոշում հայտարարի Իրանի տարածքով ճանապարհի բացման պատրաստությունը։

Ցանկացած ձև` ռազմական գործողությունների միջոցով, թե այլ կերպ հայկական գյուղերի հանձնման պատրաստակամությունը պետք է առաջացնի ըմբոստություն և պետք է որակվի որպես պետական դավաճանություն։

*Հիշեցնեմ, որ Տիգրանաշենը գտնվում է դեպի հարավ, իսկ Վերին Ոսկեպարը դեպի հյուսիս տանող միջպետական ռազմավարական նշանակության ճանապարհներին, բացի այդ` թշնամին այս տարածքներում տեղակայելու է Հայաստանի ցանկացած շարժ, ցանկացած գործունեություն վերահսկելու միջոցներ, և իր ձեռքում է պահելու Հայաստանի տնտեսական զարկերակը։ Սա թույլ տալ չի կարելի, սա Հայաստանը կդարձնի թշնամու ձեռքում խամաճիկային տարածք, որը ինքնուրույն ոչինչ չի կարող որոշել, անգամ սեփական տարածքում ռազմական զորաշարժեր անելը կդառնա խիստ թիրախավորված թշնամու կողմից»։

The post «Սա արդեն Հայաստանի համար ճակատագրական է». Արա Պողոսյան appeared first on Social Blog.

Քաղաքագետ Արա Պողոսյանի ֆեյսբուքյան գրառումը․

«Ընկերներ ջան, հազար անգամ կներեք, բայց սա պետք է ասել, որովհետև ես եթե հիմա չասեմ, վաղը ասելու են` բա շուտ ասեիր։

Ես դեռ առաջին օրը կարծիք հայտնեցի, որ այդ կոմիտեն այդ կազմով չի կարող հաջողել։ Այսօր արդեն բազմաթիվ քաղաքացիներ բողոքում են, այդ թվում նաև վճռականության, անկեղծության և առաջնորդության որակի պակասից։

Ասելու շատ բան կա, բայց ես միայն ժողովրդի ցասման պարպումն եմ ափսոսում։

Դեռ ժամանակ կա ուղղվելու, բայց արդեն դեֆորմացիան նկատելի է։

Հատկապես ոմանց հավակնությունների և ներսում դիրքի համար անզիջում պայքարելու ձգտումը կամ դրա ցուցադրումը։

Գովելի է Թևանյանի` մարդկանց լսելու(խոսքը իմ մասին չէ), անմիջականություն ցույց տալու ձգտումը, բայց դա չափազանց քիչ է։

Մի բան էլ ասեմ` տղերք, այն որ ժողովուրդը դուրս է եկել, դա ձեր աշխատանքի արդյունքը չի, հանկարծ չոգեւորվեք ու չմտածեք դուք էդքան կաք»։

The post «Եթե հիմա չասեմ, վաղը ասելու են` բա շուտ ասեիր». Արա Պողոսյան appeared first on Social Blog.