«Եթե հարցնեք՝ ո՞վ է աշխարհի ամենաարցախասեր Մարդը, առանց մեկ վայրկյան վարանելու՝ կպատասխանեմ՝ տումեցի Յուրին։ Նա իր մարմնի բոլոր բջիջներով էր կարոտում հայրենիքը: Յուրիի ընտանիքում բոլորն են Արցախապաշտ։ Եւ այդ էր պատճառը, որ հետպատերազմական անորոշության մշուշում ընտանիքն այնուամենայնիվ որոշեց վերադառնալ Արցախ»,- ասում է Ռուզաննան։

Հարութն ու Յուրին ծնվել ու մեծացել էին Արցախի Հադրութի շրջանի Տումի գյուղում: Հարութը մասնակցել է քառօրյա, 44-օրյա և այս վերջին պատերազմին, իսկ Յուրին ժամկետային զինծառայող է եղել 2023թ. սեպտեմբերյան պատերազմի ժամանակ:

«Սեպտեմբերի 19-ի չարաբաստիկ օրը Յուրին, ընկերոջն օգնության շտապելով, հերոսաբար զոհվում է մարտական դիրքում։ Ասել՝ ծանր օրեր էին, կնշանակի ուղղակի բառեր արտաբերել։ Դժոխային օրեր տեսանք։ Համագյուղացիներից շատերս ինչ-որ տեղերից լսել էինք Յուրիի մահվան լուրը։

Հիշում եմ` Յուրին վստահորեն պնդում էր, որ մի օր վերադառնալու ենք մեր Տումի։ Շրջափակման ծանր օրերին անգամ չէր պակասել նրա հավատը։ Ծառայության էր անցել ՊԲ շարքերում։ Ինչպես ամենուր՝ բանակում եւս շատ կարճ ժամանակահատվածում հասցրել է ընկերանալ բոլորի հետ։

Այնքան հեշտ էր ամեն բան, երբ Նա մեր կողքին էր։ Կարծում եմ` հայրենազրկման այս անողոք ցավն այսքան ծանր չէր լինի, եթե Յուրիին չկորցնեինք։ Այսօր բոլորս նրա հավատավոր խոսքի, ժպիտի, նրա լուսավոր մտքերի կարիքն ունենք»,- ասում է մեր զրուցակիցը:

Ռուզաննան պատմում է, որ այդ օրերին հաճախ էին տումեցիներով հավաքվում՝ համագյուղացիներից լուր իմանալու համար:

«Գիտեինք, որ Յուրին չկար… ու չէինք խոսում Նրա մասին։ Հետո մեզնից մեկը համարձակվեց ասել ճշմարտությունը։ Գիտեինք, բայց հավանաբար ներքին մի թաքուն հավատ ունեինք, որ ուր որ է՝ Նա կհայտնվի իր ժպիտով։ Այստեղ՝ Երեւանում, ամեն օր առատ արցունքների մեջ էինք խոսում Յուրիի մասին, իսկ Ստեփանակերտում Նրա հայրը հուսահատ՝ մի հիվանդանոցից մյուսն էր վազում՝ որդուն գոնե վիրավորների մեջ գտնելու հույսով։ Ոչ ոք չէր համարձակվի որդուն պաշտող հորն ասել այդ դառը ճշմարտությունը»,- հիշում է Ռուզաննան։

Մեր զրուցակիցը նշում է, որ որքանով նման էին ընկերների ճակատագրերը, նույնքանով էլ տարբեր էին, սակայն բնավորությամբ նույն մարդ տեսակն էին:

«Հարութը մարդկության ամենամարդասեր տեսակն էր։ Օրվա ցանկացած ժամի պատրաստ էր օգնության հասնել կարիքավորին, դրացուն, բարեկամին, անծանոթին։ Արագաքայլ էր, բռնկուն, ակնթարթի մեջ կոգեւորվեր, մի ակնթարթում կհուսահատվեր։ Մարդային ամենաչար գործերի մեջ բարություն էր փնտրում, հաշտ էր ապրում ամենքի հետ, երբեք չէր հակաճառում, չէր վիրավորում դիմացինին։

Երբեմն փոթորկուն էր, երբեմն խաղաղ ու անվրդով, ասես այս աշխարհից չլիներ։ Իր մանկության ընկերոջ մահվան լուրն իմանալուց հետո տակավին թեւաթափ էր եղել… մայրն ասում է՝ չէր խոսում, չէր կիսվում որևէ մեկի հետ, միայն արտասվում էր, միայն Յուրիի անունն էր կանչում անդադար։ Նրանք աներեւույթ, ինչ-որ առասպելական կապերով էին կապված իրար»,- ասում է Ռուզաննա Խաչատրյանը։

Առավել մանրամասն՝ սկզբնաղբյուր կայքում

The post Ոչ ոք չէր համարձակվի որդուն պաշտող հորն ասել այդ դառը ճշմարտությունը․ սակայն երկու ընկերներն էլ անմահացան appeared first on Social Blog.

Հանրության մեջ շրջանառվող լուրերը խիստ հակասում են պաշտոնական վարկածին։

«Չնայած պաշտոնական վարկածով այդ աղետը համարվում է դժբախտ պատահար, բայց հենց առաջին օրերից էլ հանրությունը շատ լավ գիտակցում էր, որ դա ադրբեջանցիների կողմից կազմակերպածն էր։

Ես ավելի քան համոզված եմ, որ բենզալցակայանին խփել են ԱԹՍ- ով»,- Oragir.News-ի հետ զրույցում նման համոզմունք հայտնեց դեպքի ականատեսներից մեկը, ով երկար տարիներ եղել է զինվորական։

Տպավորություն է, որ իշխանությունը փորձում է հերթական անգամ քողարկել տեղի ունեցածը, այլապես, ինչու՞ որևէ քայլ չի ձեռնարկում՝ բացահայտելու իրականությունը։

Ինչու՞ չի դիմում ԱՄՆ կառավարությանը՝ օգնելու բացահայտել, թե արդյոք, դա ԱԹՍ-ի հարվածի արդյունք չէ։

Սրանք հարցեր են, որոնց պատասխաններն ակնկալում են ստանալ ՀՀ իշխանություններից՝ ոչ միայն արցախցիները։

Առավել մանրամասն՝ սկզբնաղբյուրում

The post Համոզված եմ, որ բենզալցակայանին ԱԹՍ-ով են խփել․ արցախցի զինվորական appeared first on Social Blog.

«Բժիշկներն անընդհատ ասում էին, որ վիճակը կայուն է»,- Oragir.News-ի հետ զրույցում ասաց Հայկի կինը Էլինա Իշխանյանը։ Էլինայի խոսքով՝ բժիշկներն ասում էին, որ Հայկի կյանքին վտանգ չէր սպառնում․

«Բժիշկներն ասացին, որ միայն այրվածքներ ունի, կյանքին վտանգ չի սպառնում։ 10 օր ինքը լավ է եղել, ասում էին՝ վիճակը նորմալ է, արդեն կարող ենք տեղափոխել այրվածքաբանական կենտրոն, որպեսզի այրվածքները բուժեն։ Հոկտեմբերի 4-ին Հայկի ծնունդն է, 26 տարեկան դարձավ։

Ամսի 3-ին, որ գնացինք հիվանդանոց, ասացին՝ հիվանդի վիճակը կայուն է, արդեն կարող ենք տեղափոխել այրվածքաբանական կենտրոն։

Ամսի 4-ին տորթ պիտի տանեինք կենտրոն, ծնունդը շնորհավորելու համար, բայց չթողեցին, որ իր մոտ մտնենք»։

Էլինային ու ընտանիքի ոչ մի անդամի չեն թողել նրա մոտ մտնել․ «Որ Հայկն իմանա, որ մենք իր կողքին ենք։

Դա անմարդկային վերաբերմունք էր։ Անգամ վերջին վայրկյանին, երբ արդեն գիտեին, որ Հայկը չկա, չեն թողել, որ մտնենք մոտը։

Ոչ մի բացատրություն չեն տվել։ Ասացին՝ երիկամներն է, դիալիզ պիտի սկսենք, ձեր թույլտվությունն է պետք, ասացի՝ ամեն ինչ կտամ, միայն թե իր կյանքին վտանգ չսպառնա, միայն թե բուժեք իրեն, ինձ համար կարևոր չի իր կյանքի որակը, կարևորը ինքն ապրի։

Դիալիզի համաձայնությունը տվեցի, արեցին, ամսին 5-ի երեկոյան զանգեցին, ասացին՝ հիվանդի սիրտը կանգնել է»։

Առավել մանրամասն՝ սկզբնաղբյուր կայքում

The post Պայթյունից վիրավորված արցախցին հիվանդանոցում է մահացել․ «Զանգեցին, ասացին՝ սիրտը կանգնել է» appeared first on Social Blog.

Սեպտեմբերի 25- ին, երբ տեղի ունեցավ պայթյունը , մեզ համար ավելի դաժան ու ծանր իրավիճակ ստեղծվեց։ Մենք սովոր էինք աշխատել պատերազմական իրավիճակներում, բայց սա բոլորովին ուրիշ իրավիճակ էր։

Այս մասին «Փաստինֆոյի» զրույցում ասաց Ստեփանակերտի հանրապետական հիվանդանոցի տնօրեն Մհեր Մուսայելյանը։

«Սեպտեմբերի 25-ից հետո տեղահանության պրոցեսն արդեն սկսվել էր։ Հիվանդանոցում մնացել էինք մոտ 45 – 48 մարդ, որոնց մեջ բժիշկները միայն 15-ն էին։

Այդ օրն ընդունել ենք 220 հիվանդ, որոնցից միայն 40-ն էին թեթեւ, տուն գնացին։ 180 -ին ընդունել ենք հիվանդանոց այն դեպքում, երբ հիվանդանոցում արդեն ունեինք հոսպիտալացված 124 հիվանդ։

Բոլոր աշխատակիցները սկսել էին օգնել մեզ, հաշվապահը, առողջապահական գծով տնօրենը, վարորդը։ Հիվանդանոցում տեղ չկար, բոլոր տեղերում հիվանդներ էին պառկած», – պատմել է հիվանդանոցի տնօրենը:

Նրա փոխանցմամբ`դժվարություններ էին ստեղծում նաեւ հոսանքի ու գազամատակարարման բացակայությունը։

«Հիվանդանոցում մնացած 15 բժիշկներն այն ամենից հետո, ինչ տեսան , որոշել են չզբաղվել բժշկությամբ։

Դա սարսափելի օր էր… 200 բոլորովին մերկ ու ամբողջությամբ այրված, կարմրած տղամարդիկ վազելով, գոռալով մտնում էին հիվանդանոց, իսկ մաշկի վրա սրսկելու տեղ չկար։

Ստիպված էինք դռան դիմաց կանգնել որ մարդիկ չմտնեին։ Հենց դռան մոտ սկսեցինք ցավազրկել մարդկանց։ Ահավոր վիճակ էր փորձում էինք մարդկանց հոսքը կառավարել», – նշել է մեր զրուցակիցը:

Մանրամասները՝ «Փաստինֆոյի» տեսանյութում

The post Սարսափելի էր, 200 մերկ ու ամբողջությամբ այրված տղամարդ գոռալով հիվանդանոց էին վազում. Մուսայելյան (տեսանյութ) appeared first on Social Blog.

Hraparak.am-ը գրում է․ Սեպտեմբերի 25-ին Ստեփանակերտ-Ասկերան ավտոճանապարհի հարակից տարածքում` բենզինի պահեստում տեղի ունեցած ուժգին պայթյունի հետեւանքով, ըստ Արցախի ՆԳՆ տվյալների, մահացել է 220 մարդ։ 150 անձ անճանաչելի է եղել։ Այժմ այրված մասունքները Երեւանում են՝ դատաբժշկական փորձաքննության կենտրոնում, որտեղ անցկացվելու է նույնականացում՝ ԴՆԹ թեստի միջոցով։ Արցախի ՆԳՆ-ն, որպես պետական կառույց, օրենքով՝ պետք է աշխատի մինչեւ 2024 թ․ հունվարի 1-ը, սակայն փաստացի չի գործում։

Պայթյունի օրը պահեստի մոտ գտնվող մարդկանց հարազատներին տուժողի իրավահաջորդներ չեն ճանաչել։ Անհայտ կորածների հարազատների հետ որեւէ պետական մարմին կապ չի հաստատել։ 

Ասկերանի բնակիչներ Գարիկ Գրիշայի Պետրոսյանն ու նրա 18 տարեկան որդին՝ Դավիթը, անհետացել են բենզինի պայթյունից հետո։ Նրանց մայրը՝ Լիլիա Պետրոսյանը, առանց արցունքի չի կարողանում խոսել։ Նա ոչ մի տեղեկություն չունի՝ ոչ մեկը չի զանգել, ոչ մեկին հետաքրքիր չեն այդ մարդիկ։ «Տարան, գլուխները կերան, ոնց որ չեն էլ եղել նրանք։ Ես ոչ մի կարիք չունեմ։ Իմ ամուսնուն ու որդուն եմ մենակ ուզում»,- ասում է 49 տարեկան կինը։

Ասում է՝ մի քանի օրում անճանաչելի ծերացել է։ Պատմում է, որ սեպտեմբերի 25-ին ամուսինն ու որդին՝ Դավիթը, մի քանի անգամ գնացել, հերթ են կանգնել տարբեր լցակայաններում։ Նախօրեին Ասկերանի քաղաքապետարանը հաղորդել էր, որ բնակիչները հերթագրվեն։ 

«173, 174-րդ համարներն էին։ Առավոտ ժամը 10-ին ասեցին՝ բենզին կլինի, 10-ին չկար, ասեցին՝ 2-ին կլինի, 2-ին չկար, 2։40-ին եկան տուն, հաց կերան, իրանց հետ էր նաեւ Դավոյի ընկերը՝ նա մահացել է, մեր Սարիկը, նրան արդեն հուղարկավորել են։ Հետո հերթը տեղափոխեցին 5-ին։ Իրենք գնացին, որ էլի սպասեն բենզինի։ Պետք է բենզինը լցնեինք ավտոներն ու շարժվեինք։ Մի քիչ հետո ես զանգեցի, անջատեցին զանգերը, հետո անհասանելի էին։

Ընդհանրապես չի եղել, նույնիսկ պատերազմի ժամանակ, որ ես զանգեմ, նա հետ չզանգի։ Դավիթի ընկերոջ մոր ձայնն ականջիս մեջ է, ասեց՝ պայթյուն է եղել, երեխեքը պայթել են»,- պատմում է կինը։ Այդ օրվա խցանումները, կայծակն ու անձրեւը նրա գլխում են անընդհատ։ 

Նա մեղադրում է պետական մարմինների, քաղաքապետարանի ներկայացուցիչներին, որ նրանք եկել են Ասկերան, հայտարարել են՝ գնացեք պահեստ, ստեղ բենզին չի լինելու, եւ մարդիկ գնացել են։ «Այնտեղ ո՛չ ոստիկան կար, ո՛չ արտակարգ իրավիճակների մի աշխատող, որ ասի՝ ո՞նց ենք պատասխան տալու, էսքան մարդ հավաքում ենք պահեստի մոտ»։ 

Լիլիան, ով մասնագիտությամբ բուժքույր է, դստեր հետ ընկել է հիվանդանոցներով, հոսպիտալներով, անգամ մանկական հիվանդանոցում է փնտրել։ «Ցուցակները նայեցինք, ոչ մի ցուցակում իմ ամուսինն ու տղան չկային։ 26-ին գնացի մորգ, եղբորս կինը մտել ու նայել է, ասեց՝ ինչ որ տեսա, ո՛չ Գարիկը կա, ո՛չ Դավոն մեջները»։ Հիմա ընտանիքը սպասում է նույնականացման արդյունքներին։ Գարիկին ու Դավիթին տեսնողներ եղել են, բայց՝ պայթյունից առաջ։ «Երեխաս 2 օրվա ծառայող էր, պատերազմը սկսվեց։

Նրան ամենավատ պոստերը տարան՝ Քյաքուկ, Ասկերանի դեմն ա, չասեցին, որ երեխա ա։ Էդ անտեր կռիվը պրծավ, ուրախացա, ասեցի՝ երեխես եկավ։ Ո՞վ կիմանար, որ 2 լիտր բենզինի պատճառով․․․ Չեմ էլ ուզում ասեմ, սպասում եմ»։ Ընտանիքը տեղավորվել է Շահումյան գյուղում՝ Արտաշատից ոչ հեռու։ Լիլիան ասում է՝ իրեն ոչինչ պետք չէ, միայն որդու ու ամուսնու ողջությունը։ 

Առավել մանրամասն՝ սկզբնաղբյուր կայքում

The post Դավիթի ընկերոջ մոր ձայնն ականջիս մեջ է՝ պայթյուն է եղել, երեխեքը պայթել են appeared first on Social Blog.

«Ժողովուրդ» օրաթերթը գրում է. Արցախի քննչական կոմիտեն տեղափոխվել է Հայաստան ու քննում է բենզինի պահեստում տեղի ունեցած պայթյունի դեպքը:

«Ժողովուրդ» օրաթերթին հասած տեղեկությունների համաձայն՝ չի բացառվում, որ քրեական գործը առաջիկայում տեղափոխվի ՀՀ քննչական կոմիտեի վարույթ: Ըստ նախնական տեղեկությունների՝ քաղաքացիները բենզինի տարաները լցրել ու բաժանել են միմյանց, ինչի ընթացքում բենզինը թափվել է հատակին:

Վարկած կա՝ մի քաղաքացի ծխախոտը գցել է հատակին, ինչի հետեւանքով պայթյուն է եղել։ Նշենք, որ Արցախում տեղի ունեցած պայթյունի հետեւանքով պաշտոնապես տուժել է 290 մարդ: Հարյուրավոր զոհեր, որոնց վիճակագրությունն այլեւս չի վարվում… Տուժողներին հաշվող չկա Արցախում արդեն:

Հիշեցնենք, որ սեպտեմբերի 25-ին Ասկերանի շրջանում պայթյուն էր եղել վառելիքի պահեստում։

Հոդվածն ամբողջությամբ կարող եք կարդալ «Ժողովուրդ» թերթի՝ 06․ 10․ 23 թ համարում։

The post Ինչ վարկած է քննվում բենզինի պահեստում պայթյունի դեպքով. «Ժողովուրդ» appeared first on Social Blog.

Այս մասին ֆեյսբուքյան իր էջում գրել է Ստեփանակերտցի Նարինե Ավանեսյանը։

«Ժողովուրդ, Արցախում էլի աղետ է տեղի ունեցել։

Ցիստերնով բենզին է պայթել, ասում են՝ ահագին տղամարդ է մահացել:

Հիվանդանոցից խնդրել են, ով մնացել է Աստեփանակերտում գնան իրենց օգնելու

Անհնար է այդքան վիրավորների ու մահացածներին օգնեն այդքան քիչ մարդկանցով:

Տեր Աստված, ինչի՞ համար ես ժողովրդիս պատժում»:

The post Արցախում բենզինի պահեստ է պայթել․ կան զոհեր appeared first on Social Blog.