Ճշմարտություն կա, բայց անտեսվում է մի կարևոր հանգամանք՝ վերջին տարիներին ցավը մոռացվում է նոր ցավով։ Ասես մի աներևույթ ձեռք կա, որ հայ ժողովրդի ցավը ցավով է հանում։

Ինչևէ, հիշեցնեմ  ձնահյուսի տակ մնացած երիտասարդի՝ Բենիամին Մանուչարյանի  մասին։ Մյուս քննությունների ընթացքը տեսնելով, չեմ բացառում, որ զինվորի մահվան մեջ էլ իրական մեղավորները դուրս կսպրդվեն։

Մեղավոր է եղանակը, եղանակային պայմանները, մեղավոր է զինվորը , որ այդ բուքին ճանապարհ է ընկել, որ տուն գնա, հասնի ծնողներին մեղավոր է ձյունը, մեղավոր են ծնողները, որ զորացրվելու օրը խնջույք են կազմակերպել ու սպասել իրենց որդուն, մեղավոր են բոլորը, բայց ոչ հրամանատարական կազմը, ոչ այն պատասխանատուները, որոնց «պահ է տրվել երեխան, զինվորը»։

Պաշտպանության նախարարը հայտարարում է, որ վարկած կա, որ եղել է արտաքին ճնշում։ Նախարարը գոնե պատկերացնում է, որ եթե նույնիսկ իր վարկածը ճիշտ լինի, դա խայտառակություն է հրամանատարության համար։

«Արտաքին աննշան ճնշումներին»  չդիմակայող հրամանատարությունն ինչպե՞ս կարող է դիմակայել արտաքին մարտահրավերներին։

Գուցե դրանով է բացատրվում  մեր երկրի  պարտության պատճառը։ Սա ընդամենն իր հայտարարությունից արվող եզրահանգում է։

Ասենք թե եղել է արտաքին ճնշում, ասենք թե ճշմարտություն է, որ  20- ամյա զինվորը գնացել է ընկերներին հրաժեշտ տալու, բա ղեկավարությունն ու՞ր էր։ Այսինքն յուրաքանյուր զինվոր ինքնագլուխ կարող է անել այն, ինչ խելքին փչի՞։

Մայրն առավոտյան ժամը 11։ 30 զրուցել է տղայի հետ։ Հարցրել է ՝ այդ ի՞նչ ձայներ են, տղան ասել է՝ «Բա՝ ձյուն է, քայլում եմ, մամ, հեչ չմտածես, մեկ է՝ հասնելու եմ»։

Առավել մանրամասն՝ սկզբնաղբյուր կայքում

The post Ձյուն է,  քայլում եմ մամ, մեկ է՝ հասնելու եմ․․․ appeared first on Social Blog.

Ձնահյուսից մահացած Բենիամին Մանուչարյանի հարևանն ու դասվարը պատմում է, որ հանդիսությունների սրահում ընտանիքի անդամները, հարազատներն ու ընկերները սպասում էին, որ բանակից զորացրման խնջույքը սկսեին։ Այս մասին գրում է News.am-ը։

Սակայն Բենիամինն ուշացել է։ Նրա հետ կապը կորել է կեսօրին։

Զորացրման օրը Սիսիանում ծառայող Բենիամինը որոշել էր ծառայակից ընկերներին հրաժեշտ տալ։ Բարձրացել էր դիրք։ Խիստ անբարենպաստ եղանակի պատճառով դիրքից մշտական տեղակայման վայր տեղափոխվելու ճանապարհին նրա հետ կապը կորել էր։

Որոնողական աշխատանքը տևեց մեկ օր։ Նրա դին հայտնաբերվեց ձնահյուսի տակ՝ հունվարի 14-ին՝ 14։20-ի սահմանում՝ Ցղունի գյուղի տարածքում։

Դեպքի մանրամասները հարազատներին ու գյուղացիներին հայտնի չեն։ Ըստ շրջանառվող լուրերի՝ զրոացրվող զինվորը սեփական նախաձեռնությամբ է դիրք բարձրացել։

Բենիամին Մանուչարյանը Մասիս համայնքի Այնթափ բնակավայրից էր։ Այնթափի համայնքապետարանի ներկայացուցիչը դեպքի հանգամանքներից տեղյակ չէ, բայց նա վստահ է՝ եթե բանակում կարգուկանոն լիներ, այս ողբերգությունը չէր լինի։

The post Ռեստորանում սպասում էին զորացրված զինվորին. Ինչ են պատմում հարազատները appeared first on Social Blog.

Երեկվանից գրում են, որ ձնահյուսի տակ մնացած զինվորի զորացրվելուն երկու օր էր մնացել։ Այս մասին գրում է Հրապարակը։

Պատկերացրեք, թե հարազատներն ինչ սրտի տրոփյունով էին սպասում նրան։ Ժամերն անգամ հաշվում էր և՛ զինվորը, և՛ զինվորի ծնողները, հարազատները։ Բենիամին Մանուչարյանը Արարատի մարզի Այնթապ համայնքից է։ Ունի քույր ու եղբայր։ Գյուղը սպասում էր Զինվորի վերադարձին։ 20 տարեկան էր, մասնագիտությամբ երաժիշտ։ 

Սա էլ ո՜ր հազարերորդ Զինվորի մահով արցունք է թափում մեր ժողովուրդը։ 44- օրյա պատերազմի սուգը չի ավարտվում։ Ուզում եմ հիշեցնել մեծն Պարոնյանի խոսքերը, որ ասում էր․ «Խեղճության վրա արտասուք թափելն ապացուցանել է, թե արյուն չունինք թափելու»։ 

Հիշեցնենք, որ Հունվարի 13-ին Պաշտպանության նախարարությունը հայտնել էր, որ եղանակային խիստ անբարենպաստ պայմաններում մարտական դիրքից մշտական տեղակայման վայր տեղափոխվելու ճանապարհին կորել է կապը ՀՀ ՊՆ N զորամասի զինծառայող Բ. Մ.-ի հետ:

Փրկարարները համագործակցելով ՊՆ և ՆԳՆ ոստիկանության ծառայողների հետ սաստիկ բքի և մառախուղի պայմաններում, լեռնային դժվարանցանելի գոտում ձեռնարկել են որոնողափրկարարական ծավալուն աշխատանքներ։

Հունվարի 14-ին, ժամը 14։20-ի սահմաններում Ցղունի գյուղի վարչական տարածքում ձնահյուսի տակից հայտնաբերվել է զինծառայող Բենիամին Մանուչարյանի դին (ծնված 2003 թ․)։

The post Գյուղը սպասում էր Զինվորի վերադարձին appeared first on Social Blog.

Բենիամին Մանուչարյանը Արարատի մարզի Այնթապ համայնքից է։ Ունի քույր ու եղբայր։

Բենիամինը մասնագիտությամբ երաժիշտ էր, 21 տարեկան։

Ավելի վաղ հայտնել էինք, որ փրկարարները ձնահյուսի տակից հայտնաբերել են հունվարի 13-ին եղանակային խիստ անբարենպաստ պայմաններում մարտական դիրքից մշտական տեղակայման վայր տեղափոխվելու ճանապարհին կորած զինծառաող Բենիամին Մանուչարյանի դին։

The post Ձյան տակ մնացած զինծառայող Բենիամին Մանուչարյանը երաժիշտ էր․ (ֆոտո) appeared first on Social Blog.