Հրամանատարը, որը նույնպես ներկա էր Դավիթի հուղարկավորության արարողությանը, ասում էր, որ ծառայության մեկ տարվա ընթացքում Դավիթը ընդամենը 2 անգամ է բուժկետ գնացել՝ մի անգամ գլխացավի դեղ, մի անգալ էլ ոտքի համար քսուք վերցնելու:

Սիսիանի զորամասերից մեկում հունիսի 24-ին հանկարծամահ եղած Դավիթ Ներսիսյանի դասընկերը NEWS.am-ի հետ զրույցում պատմում է՝ «12 տարի միասին սովորել ենք, ոչ մի օր առողջական վիճակից չի բողոքել, չի ասել՝ որ որևէ տեղը ցավում է»:

«Դավիթի ծառայակից ընկերները և հրամանատարը ներկա էին հուղարկավորության արարողությանը: Հրամանատարը իր հետ Դավիթի պատվոգրերն ու շնորհակալագրերն էր բերել, որ նա անձամբ պիտի այս շաբաթ բերեր, բայց չստացվեց. երեքշաբթի օրը պիտի արձակուրդ գար, բայց չեկավ, բերեցին»,-հավելում է նա:

Դասընկերուհու խոսքով, 19-ամյա Դավիթը ընտանիքի ավագ որդին էր, իրենից փոքր մի եղբայր ունի:

«Ծնողները անչափ սիրում էին Դավիթին, չեն էլ ընդունում տեղի ունեցածը: Ծնողները գրեթե ամեն կիրակի գնում էին Դավիթին տեսնելու: Նրա ծնունդը հունվարի 1-ին էր, Նոր տարին նրա հետ զորամասի բակում են դիմավորել»,-ասում է նա:

The post Ոչ մի օր առողջական վիճակից չի բողոքել․ օրերս մահացած զինծառայողի դասընկեր appeared first on Social Blog.

Գեղարքունիքի մարզի Գավառ խոշորացված համայնքի Կարմիրգյուղ բնակավայրում այսօր՝ հունիսի 27-ին, վերջին հրաժեշտը տվեցին զորամասում մահացած ժամկետային զինծառայող 19-ամյա Դավիթ Ներսիսյանին։

«Ամբողջ գյուղը սգում է մեր զինվորի մահը։ Հայրը Ռուսաստանում էր, եկավ, հասավ։ Հուղարկավորությանը նաև Դավիթի ծառայակից ընկերներն ու հրամանատարությունն էր ներկա։

Զինվորական կարգով հողին հանձնեցինք մեր զինվորին»,- Oragir.News-ի հետ զրույցում ասաց Կարմիրգյուղի վարչական ղեկավար Արայիկ Հոդաբաշյանը։

Անդրադառնալով զինվորի մահվան վերաբերյալ վարկածներին, գյուղապետն ասաց, որ այս պահին առաջ է տարվում թրոմբ ունենալու վարկածը, սակայն սպասում են դատաբժշկի եզրակացությանը։

«Երեկ ես նաև Դավիթի անմիջական հրամանատարի հետ եմ խոսել, ասաց՝ ընդհանրապես բողոք չի ունեցել։ Մի տարվա ծառայող էր․․․»,- ասաց Կարմիրգյուղի վարչական ղեկավարը։

The post Այսօր հուղարկավորեցին 19-ամյա Դավիթ Ներսիսյանին appeared first on Social Blog.