2018 թվականի «թավշյա հեղափոխությունից» հետո Նիկոլ Փաշինյանն ու իր թիմը գիտակցաբար, թե ոչ, բայց երկիրը հասցրել են ծայրահեղ վիճակի։ «Արցախը Հայաստան է և վերջ» գոռացող Փաշինյանի կառավարման օրոք Արցախն ամբողջությամբ հայաթափվեց և հանձնվեց թշնամուն։

Այս ամենին զուգահեռ՝ Փաշինյանի թիմակիցները կարծես խուսափում են Հայաստանում Արցախի Հանրապետությունը հիշատակող որևէ ատրիբուտ թողնել՝ գերբ, դրոշ և այլն։

Բոլորովին վերջրես էլ Աբովյան 9 հասցեում գործող Արցախի տեղեկատվական շտաբի շենքից հեռացվեց այդ ցուցանակը, մնացել են միայն Հայաստանի և Արցախի դրոշները։

Oragir.News-ի աղբյուրների փոխանցմամբ՝ Փաշինյանի կառավարությունը հրահանգ է իջեցրել բոլոր կառույցների շենքերից 2024 թվականի հունվարի 1-ից հեռացնել Արցախի դրոշը։

Նշենք, որ Արցախի դրոշը փակցված է նաև ԵԿՄ գրասենյակի շենքի գլխավոր մուտքի մոտ։ Մեր աղբյուրի փոխանցմամբ՝ այն ևս պետք է հեռացվի։

Oragir.News-ը փորձեց տեղեկությունը ճշտել ԵԿՄ վարչության նախագահ սասուն Միքայելյանից, սակայն նա մեր զանգերին չպատասխանեց։

Հիշեցնենք, որ Սասուն Միքայելյանը 2018 թվականին տեղի ունեցած «հեղափոխությունը» կարևորել էր Արցախյան պատերազմից։

The post Իշխանության հրահանգով բոլոր շենքերից կհեռացվեն Արցախի դրոշները, այդ թվում՝ ԵԿՄ-ի appeared first on Social Blog.