Եղունգների տակ գտնվում է մեծ քանակությամբ ամեն հնարավոր բակտերիաներ և սնկեր, որոնք կրծելու ժամանակ թափանցում են օրգանիզմ:

Եղունգների տակ կարող են գտնվել նաև ճիճուների ձվեր:

Կրծելիս կարող է վնասվել ատամի էմալը:

Կծելով եղունգը, կարող է վնասվել լինդը և լեզուն, և վերքի մեջ վարակ անցնել: Դա կարող է բերանում զարգացնել ստոմատիտ:

Լաքով ներկված եղունգները կրծելը կրկնակի վնասակար է: Լաքը պարունակում է ֆորմալդեհիդ` թունավոր նյութ, որով մշակում են դիարանների դիակները:

Կրծելու հետևանքով եղունգն անվերադառնալի կերպով կարճանում է:

Եղունգների անկյուններում գոյանում են կապտուկներ, որոնց վրա անմիջապես հարձակվում են բակտերիաները:

Կրծելու պատճառ հանդիսացող հոգեբանական խնդիրները դրանից ավելի են խորանում:

Եվ վերջինը` դու չես կարող հաջողությամբ պոկեր խաղալ, քանի որ այդ սովորությունը քեզ կմատնի:

The post Ինչու չի կարելի կրծել եղունգները appeared first on Social Blog.

Եթե Դուք մինչև վերջ չեք հասկացել Ձեր բնավորությունը, հիմա ճիշտ դրա ժամանակն է: Առավել ևս, որ դա շատ ժամանակ չի խլի, բայց նոր բացահայտումները ոչ միայն կզարմացնեն, այլ նաև թույլ կտան Ձեզ հպարտանալ դրական գծերով և վերացնել ոչ այնքան լավերը:

Եվ այսպես, ժամանակն է ուսումնասիրել եղունգները: Եթե այս նկարների մեջ չկան այնպիսի ձևի եղունգներ, ինչպիսիք Ձերն են, գտեք Ձերին ամենամոտը:

1. Երկար և ուղղանկյուն եղունգներ:

Եթե ունեք երկար և ուղղանկյուն եղունգներ, ապա Դուք, ամենայն հավանականությամբ, շփվող մարդ եք, ով, ամեն ինչից զատ՝ ունի նաև սուր միտք: Դուք հաճույք եք ստանում նոր ծանոթությունից և ուրախ եք նոր փորձից, ինչպես նաև միշտ փորձում եք լայնացնել Ձեր մտահորիզոնը: Երբ գործը հասնում է աշխատանքին, ապա Դուք առաջնորդվում եք «Յոթ անգամ չափիր, մեկ անգամ կտրիր» կարգախոսով: Դուք ուսումնասիրում եք հարցը բոլոր կողմերից և ընդունում եք ամենաօպտիմալ որոշումը:

Գլխավորը Ձեզ համար ամեն ինչն իր բոլոր մանրամասնություններով կշռադատելն է:

2. Լայն և տափակ եղունգներ:

Դուք պարզ մտքով մարդ եք, ով քննում է ամեն ինչ և ամենքին: Դուք մտածում եք մինչև խոսելը, ու մարդիկ հաճախ դիմում են Ձեզ խորհրդի համար և ուշադիր լսում են Ձեր կարծիքը: Դուք գերազանց հասկանում եք մարդկանց բնավորությունները, և Ձեր բնազդի վրա կարելի է հիմնվել:

Այսպիսի մարդկանց դուր է գալիս ինչ-որ նոր բան ստեղծել, և նրանք գիտեն, որ յուրաքանչյուր աշխատանք փոխհատուցվում է:

Առաջին հերթին՝ նրանց հետաքրքրում է օգուտը, դրա համար էլ նրանք սիրում են բարդ պրոբլեմների համար խելոք որոշումներ հնարել:

3. Կարճ և կլորավուն եղունգներ:

Ամենայն հավանականությամբ, Դուք էներգիայով լի և մեծ տաղանդով օժտված, ստեղծագործ մարդ եք: Դուք ճառագում եք ուրախությամբ և պոզիտիվով, դրա համար մարդիկ միշտ ուրախությամբ կապ են հաստատում Ձեզ հետ: Այն բանից հետո, երբ Դուք նոր ընկեր եք ձեռք բերում, ամբողջ կյանքում հավատարիմ եք լինում նրան և անում եք ամեն ինչ, որպեսզի պաշտպանեք այն մարդկանց, ում սիրում եք:

Կան բաներ, որոնք Դուք ամենից շատն եք կյանքում սիրում: Ձեր ներսում խաղում է ավանտյուրիզմի ոգին, և, եթե ինչ-որ բանով Ձեր միտքը տարվում է, ապա Դուք երբեք չեք նահանջի, մինչև չհասնեք դրան: Ինչ-որ մարդիկ ասում են, որ Դուք համառ եք, բայց չէ՞ որ Դուք գիտեք, թե ինչ եք ուզում:

4. Անհարթ եզրերով կարճ եղունգներ:

Հնարավոր է՝ դրանք անհարթ են, որովհետև Դուք անընդհատ կրծում եք դրանք: Այդ դեպքում Դուք, ամենայն հավանականությամբ, շատ զգայուն և ուշադիր մարդ եք: Դուք գնահատում եք մարդկանց հետ առկա հարաբերությունները և զգուշությամբ եք վերաբերվում նոր ընկերների ընդունմանը:

Ձեր նման մարդկանց մասին ասում են՝ «Կանգնած լճում սատանաներ են վխտում»: Դուք արտաքինից կարող եք անվրդով թվալ, բայց ներքուստ լինել շատ էմոցիոնալ: Ձեր ընկերները գիտեն, որ Ձեզանից կարող են միշտ ճշմարտությունը լսել, ինչքան էլ որ այն դառը լինի:

5. Խոշոր, ուղղանկյուն եղունգներ:

Դուք շատ աշխատասեր մարդ եք և ի ծնե առաջնորդ, ով գործերին վերաբերվում է ամենայն պատասխանատվությամբ: Ձեզ վստահում են կարևոր հանդիպումներ, որովհետև յուրաքանչյուրը գիտի, որ կարող է հույսը դնել Ձեր վրա:

Եթե Դուք ինչ-որ բան եք անում, ապա դա անում եք ճիշտ: Սակայն Դուք միայն  աշխատող չեք: Հոգում Դուք շատ ուրախ մարդ եք, ով միշտ կողմ է հանդիպել լավ կոլեկտիվի:

6. Եռանկյուն եղունգներ:

Դուք խիզախ և վճռական մարդ եք, ով միշտ գիտի, թե ինչ է ուզում: Դուք մեծ ցանկությամբ հանձն եք առնում յուրաքանչյուր հանձնարարություն: Երբ գործը հասնում է աշխատանքին, Դուք առաջնորդվում եք «Աշխատիր թեթև, շատ ուժ մի գործադրիր» կարգախոսով, քանի որ Դուք իսկապես Ձեր որոշումները կշռադատում եք մինչև գործելը:

Ձեր համառ աշխատանքը միշտ փոխհատուցվում է և հրաշալի տեսք է ունենում:

7. Օվալ և երկար եղունգներ:

Եթե Ձեր եղունգներն օվալ տեսք ունեն, ապա Դուք, ամենայն հավանականությամբ, ստեղծագործ մարդ եք: Դուք լավ երևակայություն ունեք և երջանիկ եք՝ գտնվելով գեղեցիկ իրերի շրջապատում: Մարդիկ ձգտում են Ձեզ, հատկապես, երբ նրանց հոգում ալեկոծվում է էմոցիաների օվկիանոսը, որպեսզի հանգստություն գտնեն Ձեր լուռ նավահանգստում:

Ոմանք ասում են, որ Դուք Ձեզ վրա շատ բան եք վերցնում, սակայն իրականում աշխատանքի մեջ ամբողջությամբ խորասուզվելը Ձեզ դարձնում է երջանիկ, հատկապես, եթե այն օգուտ է բերում ուրիշներին:

8. Անսովոր ձևի եղունգներ:

Դա նշանակում է, որ Դուք շատ վառ մարդ եք, ով փախչում է «սովորական» բառից՝ ինչպես ժանտախտից: Դուք միշտ գտնում եք ոչ ստանդարտ որոշումներ:

Ձեր կարգախոսն է` «Աշխատել՝ ինչպես պետք է, և հանգստանալ ինչպես պետք է»:

Դուք կարողանում եք հաճույք ստանալ, դրա համար էլ այն ամենը, ինչով Դուք զբաղվում եք, չի կարող ձանձրալի լինել:

The post Ի՞նչ կարող են եղունգները պատմել մարդու մասին appeared first on Social Blog.