Յաշա Սոլոմոնյանը ֆեյսբուքյան իր էջում գրել է․

«Արդեն մի քանի օր է` սոցիալական հարթակներում քննարկվում է հայտնի մարզչի տեսանյութը, ով հանձ է առել ավելորդ քաշ ունեցող երեխայի նիհարեցման պրոցեսն ու տեսանյութեր է նկարում ու տարածում սոցհարթակներում։

Տարիներ անց երեխան գուցե ազատվի ավելորդ քաշի խնդրից, գուցե` ոչ։ Գուցե կոմպլեքսներ ձեռք բերի իր քաշի հետ կապված, կամ գուցե հակառակը, ընդունի իրեն այնպիսին, ինչպիսին կա ու երջանիկ ապրի։

Բայց մի բան պարզ է։ Այս տեսանյութերը հավերժ թևածելու են համացանցի անհունում, և ով գիտե, մի օր դառնան արդեն հասունացած կնոջ հոգեկան տրավմաների պատճառ, կանխորոշեն նրա ապագան, խանգարեն նրան` լիարժեք ապրել։

Վստահաբար տվյալ մարզիչն ունի երեխայի ծնողների թույլտվությունը (հուսամ)։

Սակայն խնդիրը լրիվ այլ հարթության մեջ է, որն էլ ցանկանում եմ բարձրաձայնել` ակնկալելով համապատասխան մարմինների գործուն քայլեր։

Բացե՜ք ցանկացած մասնավոր մանկապարտեզի ֆեյսբուքյան էջ, և կհամոզվեք , որ այնտեղ վակխանալիա է տիրում։ Անթիվ֊անհամար տեսանյութեր և լուսանկարներ բազմաթիվ անչափահաս երեխաների։

Երեխաների, ովքեր մի օր մեծանալու են և չեն ուզենալու, որ իրենց կյանքի կոնկրետ հատվածներ լինեն լայն մասաներին հասանելի, քննարկման և շահարկման առիթ։

Մենք երևի վերջին սերունդներից ենք, ովքեր գոնե հասցրել են իրենց մանկությունն ու պատանեկությունը լիաթոք վայելել տեսախցիկների օբյեկտիվներից հեռու։

Երևի նորություն չեմ ասի, որ հազիվ թե գտնվի մեր սերունդից մեկը, ով իր մանկության փոքրաքանակ լուսանկարներն ու տեսանյութերը մեծ խանդավառությամբ կդարձներ լայն մասսաներին հասանելի։

Հասկացե՜ք, սիրելի՜ ծնողներ և մանկապարտեզատերեր։ Ձեր րոպեական քմահաճույքի բավարարման կամ թե բիզնեսի առաջխաղացման համար դուք հարցականի տակ եք դնում մի ամբողջ սերունդի անձնական կյանքը, ապագա հոգեկան առողջությունը։ Դուք չունեք դրա բարոյական իրավունքը, հավատացե՜ք։

Դիմում եմ պետական քաղաքականություն մշակող համապատասխան մարմիններին ու կառույցներին։

Անհապաղ պետք է օրենսդրական փոփոխություն իրականացնել։ Սոցիալական կառույցներին, երեխաների առողջությամբ և իրավունքներով զբաղվող կազմակերպություններին լիազորել համապատասխան վերահսկողություն։

Անգամ եթե ծնողը, ով չունի համապատասխան կոմպետենտություն և չի պատկերացնում անչափահաս երեխայի` համացանցում նմանատիպ ներկայության երկարաժամկետ խնդիրները, մատների արանքով է նայում այս հարցին, ապա այդ պատասխանատվությունն իր վրա պետք է վերցնի պետությունը։

Հարգելի՜ պետություն։ Այսօր աչք փակելով առաջին հայացքից անմեղ թվացող երևույթների վրա, վաղը միլիարդավոր դրամների կորուստներ ես ունենալու` քաղաքացիների հոգեկան առողջությունը վերականգնելու համար։

Սա ռազմավարական խնդիր է»։

The post «Այս տեսանյութը մի օր կդառնա հոգեկան տրավմաների պատճառ». Յաշա Սոլոմոնյան appeared first on Social Blog.

Երևան քաղաքի ավագանու նախկին անդամ Աննա Ջավախյանը ֆեյսբուքյան իր էջում գրել է.

«Քանի որ նախապատմությունը գիտեմ, մի փոքր ներկայացնեմ։ Այս ծնողը վերջին ամիսների ընթացքում մի քանի անգամ դիմել է ինձ, ասել, թե կասկածներ ունեմ, որ դաստիարակը կոպիտ է երեխայիս հետ, միգուցե խփում էլ է, ի՞նչ անեմ։ Ասել եմ` զրուցեք դաստիարակի հետ, տեսեք ինչ է ասում, զրուցեք տնօրենի հետ, տեսեք ինքն ինչ է ասում։

Գնացել է, խոսել է, ամենը հերքել են, իհարկե, «դասական» պատասխններ` երեխան հնարում է, ավելորդ կենտրոնացել եք և այլն, և այսպես շարունակ։

Քանի որ լրագրող ծնողի հետ գործ ունենք, հնարը գտնում է։ Ձայնագրող սարքը փակցնում է երեխայի շորերին ու ուղարկում մանկապարտեզ։

Ձայնագրությունը, որը հրապարակել է, ամենաահավորը չէ։ Իմ լսած ձայնագրություններից մեկի մեջ լսվում է անգամ ապտակի ձայն։

Ու էս սահմռկեցուցիչ ձայնագրությունները ձեռքին էլ էս մարդը ոչինչ չի հրապարակում, որոշում է գնալ օրինական ճանապարհով։ Ես իրեն ուղղորդում եմ դեպի Մալաթիա-Սեբաստիա վարչական շրջանի կրթության բաժին, դեպի Երևանի հանրակրթության վարչություն։

Ծնողին նորմալ ընդունում են 2 տեղում էլ, ուշադիր լսում, արձանագրում հակամանկավարժական մոտեցման փաստը ձայնագրություններում, հավաստիացնում, որ իրավական ընթացքը տրվելու է, մարդուն տուն ուղարկում ու…. ու….

Էս դաստիարակը շարունակում է աշխատել նույն մանկապարտեզում, տնօրենը չի հեռացնում։ Մի սիրուն ցուցադրական ժողով է անում, վարչական շրջանից ստուգողներ կանչում, որ ներկա լինեն։ Ժողովին հավանաբար դաստիարակին մտերիմ ծնողները դիֆիրամբներ են երգում, տնօրենը համարում է հարցը փակված։

Որ տեսնում է` բողոքող ծնողը շարունակում է իր բողոքները, ասում է` արի խիստ նկատողություն տանք դաստիարակին, մոռանանք։ Ու մի մատ երեխադ, ով արդեն տռավմայի է ենթարկվել, էլի հաճախի էն մարդու խումբ, ով իր տռավմայի հեղինակն է։ Փառահեղ է, ինչ խոսք, բայց մանկավարժության հետ կապ չունի։

Էս ձայնագրության հրապարակումը հուսահատության ճիչ է։

Երեխան մեր երկրում պաշտպանված չէ պետության կողմից։ Էս մեսիջն է մարդ իրենից անկախ տեսնում պատմության հիմքում։

Եթե այդպես չի, ուրեմն վաղն իսկ, նույնիսկ այսօր իսկ պիտի աշխատանքից հեռացվեն թե դաստիարակը, թե տնօրենը, ով տեղյակ է եղել ու ոչինչ չի արել, թե իրենց զորավոր հովանավորը, ով, անշուշտ, առկա է, այլապես երեխայի իրավունքի մասին գոնե մեկը կհիշեր էս մի ամսվա մեջ, ինչ ծնողը լսել է ձայնագրությունը և երեխային էլ չի ուղարկում մանկապարտեզ։

Ծնողը որոշել է գործերը վերցնել, առհասարակ երեխային հանել։ Նախադպրոցական կրթության էս էրեխու իրավունքը հովանավորչության ծաղկող սիստեմի հովանու ներքո խաթարվեց»։

The post Ձայնագրող սարքը փակցնում է երեխայի շորերին ու ուղարկում մանկապարտեզ. ինչ է տեղի ունեցել թիվ 94 մանկապարտեզում appeared first on Social Blog.

Նա ունի մեկ քույր և մեկ եղբայր, ինքը երեխաներից միջնեկն էր։

Դեպքին ականատես աշակերտներից մեկն Oragir.News-ի հետ զրույցում պատմեց, թե ինչպես է դեպքը տեղի ունեցել․ «Ինքը իր քրոջ ու 2 ընկերների հետ էր։ Իրենք գալիս էին ու շները հասան էդ էրեխու վրա։ Կանգնեց, ստեղից բռնեց (ցույց է տալիս սիրտը), ասեց՝ ախ, մամ ու ընկավ գետնին։ Հետո իր պապան գրկեց ու տարավ մեքենայի մեջ»։

Oragir.News-ը զրուցել է նաև 7-ամյա տղայի դասվար Արևիկ Զոհրաբյանի հետ։ Վերջինս ասաց, որ դասապրոցեսը ժամը 9-ին է սկսվում, սակայն նա ուշացել է, ինքը զանգահարել է ծնողին ու իմացել դեպքի մասին։

Ուսուցիչը նշեց, որ այսօր ամանորյա միջոցառում ունեին, տոնածառը պիտի զարդարեին, ավաղ, այդպես էլ մնաց։ Նրա խոսքով Ալիկը երեկ դասին ներկա է եղել, շատ լավ երեխա էր, լավ ընտանիքից։

Առավել մանրամասն՝ սկզբնաղբյուր կայքում

The post Ասեց՝ ախ, մամ ու ընկավ գետնին․ մանրամասներ՝ շների հարձակումից 7-ամյա տղայի մահվան դեպքից appeared first on Social Blog.

Երևանի Մաշտոցի պողոտայում վրաերթ է տեղի ունեցել։

Երեք մարդ է տեղափոխվել հիվանդանոց։

«Սպուտնիկ Արմենիա»-ի թղթակիցին ականատեսները պատմել են, որ չթույլատրված հատվածով փողոցը հատող անձինք, որոնք վրաերթի են ենթարկվել,  եղել են ամենայն հավանականությամբ` տատը, հարսը և 2 ամյա երեխան։

The post Մաշտոցի պողոտայում երեք մարդ է վրաերթի ենթարկվել. վիրավորների թվում 2-ամյա երեխա կա appeared first on Social Blog.

Վաղարշապատի թիվ 5 ավագ դպրոցում ծեծկռտուք էր տեղի ունեցել, հիվանդանոց տեղափոխված 15-ամյա աշակերտն օրեր անց մահացել էր։ 

Նարեկի հորաքույրը դեպքի մասին մանրամասներ է պատմել NewDay-ին։

Տեսանյութը ստորև՝

The post Հարձակվել են ու սկսել են ծեծել․ Էջմիածնեցի 15 տարեկան երեխայի հորաքույր (Տեսանյութ) appeared first on Social Blog.

Դատախազը 2023 թվականի նոյեմբերի 29-ին հանրային քրեական հետապնդում է հարուցել իննամյա դստերը ֆիզիկական ուժեղ ցավ և հոգեկան ուժգին տառապանք պատճառած Ա.Փ.-ի նկատմամբ:

Հայտնում են Դատախազությունից:

Մասնավորապես՝ քրեական վարույթով պարզվել է, որ Ա.Փ.-ն իննամյա դստեր մազերից քաշելով, ձեռքերով ու ոտքերով մարմնի տարբեր մասերին հարվածներ հասցնելով, միջնակարգ դպրոցից տեղափոխել է իրենց բնակարան, հանել է նրա հագուստը, հագին թողել միայն կիսավարտիքն ու շապիկը և տեղափոխել շենքի բակում գտնվող, իրեն պատկանող խորդանոց: Մոտ 2 ժամ 30 րոպե դստերը պահել է կողպված խորդանոցում՝ ցրտի և մթության պայմաններում:

Քրեական վարույթով տվյալներ են ձեռք բերվել, որ Ա.Փ.-ի կողմից դստեր նկատմամբ նման գործողությունները կրել են պարբերական բնույթ:

Դատախազը 2023 թվականի նոյեմբերի 29-ին հանրային քրեական հետապնդում է հարուցել Ա.Փ.-ի նկատմամբ՝ Քրեական օրենսգրքի 196-րդ հոդվածի 2-րդ մասի 3-րդ և 6-րդ կետերով (հանցավորից նյութական կամ այլ կախվածության մեջ գտնվող անչափահասին ֆիզիկական ուժեղ ցավ կամ հոգեկան ուժեղ տառապանք պատճառելը):

Ա.Փ.-ի նկատմամբ որպես խափանման միջոց է կիրառված կալանքը:

Ա.Փ.-ի իննամյա դուստրը տեղափոխվել է երեխաների պաշտպանության կենտրոն:

The post Մայրը ձեռքերով ու ոտքերով հարվածել է 9-ամյա դստերը, հանել է նրա հագուստը և մոտ 2 ժամ 30 րոպե պահել է կողպված խորդանոցում appeared first on Social Blog.