Զարկերակային ճնշումը կարող է օրվա ընթացքում մի քանի անգամ բարձրանալ և իջնել, իսկ առհասարակ մարդու նորմալ ճնշումը զուտ անհատական հասկացություն է:

Զարկերակային ճնշումն արյան ճնշումն է զարկերակների պատերի վրա: Առաջին հերթին՝ արյան ճնշումը կախված է սրտի կծկումների ուժից ու արագությունից և արյան ծավալից, որը կարող է այդ օրգանը դուրս մղել 1 րոպեի ընթացքում: Կարևոր է այս դեպքում նաև հենց արյան հատկությունները և անոթային պատերի դիմադրությունը:

Ոչ նորմալ զարկերակային ճնշումը կարող է հանգեցնել վատ տրամադրության, անքնության, աշխատունակության նվազման:

Բժշիկները կարող են պատասխանել հարցին, թե ինչպիսի զարկերակային  ճնշումն է նորմալ՝ իմանալով միայն հիվանդի տարիքը, սեռը և խրոնիկական հիվանդությունները:

Այնուամենայնիվ, արյան ճնշման չափումը պարտադիր պետք է լինի. առողջության վիճակի ցանկացած անբավարար վիճակի դեպքում դա պարզագույն եղանակն է պարզելու, թե արդյո՞ք սրտի ֆունկցիան նորմալ է:

Նորմալ զարկերակային ճնշումը չափելիս հաշվի են առնում հետևյալ չափանիշները

• Սիստոլիկ զարկերակային ճնշում. այն թույլ է տալիս որոշել ճնշման ուժը արյան դուրս մղման ժամանակ:
• Դիաստոլիկ զարկերակային ճնշում. ցույց է տալիս  այն ճնշումը, որի ժամանակ սիրտը նորից լցվում է արյունով՝ կծկումների միջև ընկած հանգստի պահին:

Զարկերակային ճնշման նորման

Զարկերակային ճնշման նորման մեծահասակ մարդկանց մոտ ընդունված է համարել 120/80 մմ ս.ս.-ը: Սակայն ինչպե՞ս կարող է այն անփոփոխ լինել, երբ մարդը կենդանի օրգանիզմ է և անընդհատ ստիպված է հարմարվել գոյատևման տարբեր պայմաններին: Բացի այդ՝ մարդիկ տարբեր են լինում, ուստի արյան ճնշման նորման նույնպես կարող է տարբեր լինել:

Որպեսզի իմանաք, թե որքան պիտի լինի մարդու ճնշումը տարբեր տարիքներում ձեզ պետք կգա հետևյալ աղյուսակները:

Վերոնշյալ աղյուսակից երևում է, որ որքան մեծ է մարդու տարիքը, այնքան բարձր է զարկերակային ճնշման ցուցանիշների նորման. սա պայմանավորված է անոթների, սրտամկանի և այլ օրգանների տարիքային փոփոխություններով:

Բարձր զարկերակային ճնշումը, ինչպես և ցածրը, կարող է առաջացնել առողջական տարբեր խանգարումներ, սակայն պարզելու համար՝ արդյոք արյան ճնշումն է պատճառը, երբ մարդու ինքնազգացողությունը վատ է լինում, անհրաժեշտ է պարբերաբար չափել զարկերակային ճնշումը և արդյունքները գրանցել հատուկ օրագրում:

Դրա համար մի քանի անգամ պոլիկլինիկա այցելելը բավարար չէ հստակ պատասխան ստանալու համար. միայն պարբերաբար չափումները կարող են տալ ճիշտ պատասխանը:

The post Ահա թե որքան պետք է լինի արյան զարկերակային ճնշումը տարբեր տարիքի մարդկանց մոտ appeared first on Social Blog.

Զարկերակային ճնշումը չափելու համար պահանջվում է տոնոմետր: Սակայն դրա առկայությունը բավարար չէ ճնշումը ճիշտ չափելու համար: Պետք է իմանալ ճնշումը ճիշտ չափելու կանոնները:

Ինչպես ճիշտ չափել ճնշումը

Ճնշումը չափելուց առաջ 5 րոպե հանգիստը՝ պարտադիր պայման է:

Ճնշումը չափելուց կես ժամ առաջ խուսափել ծխելուց, սուրճի, թեյի, կոլայի ընդունումից:

Նստել աթոռին՝ մեջքով հենվելով հենակին, սա կարևոր է:

Պետք է փչովի պարկը սրտի հետ նույն մակարդակի վրա լինի: Ոտնաթաթերը հանգիստ դնել հատակին, ոտքերը չի կարելի այդ ընթացքում խաչել;

Արդյունքները ճիշտ չեն լինի, եթե ճնշումը չափվի հագուստի վրայից:

Մի քանի անգամ մի չափեք ճնշումը, պետք է դադար տալ 7-10 րոպե: Սակայն եթե ցանկանում եք կրկին չափել ճնշումը, ապա չափեք մյուս թևով, 10-15 միավորի տարբերությունը նորմալ է:

Արդյունքները ճիշտ չեն լինում սուրճի, ալկոհոլի ընդունումից հետո , ծխելուց հետո, լցված միզապարկի դեպքում, եթե մեջքը հենված չէ հենակին, եթե ձեռքը հենված չէ հարթ մակերևույթի վրա:

The post Մարդկանց 90 տոկոսը սխալ է չափում զարկերակային ճնշումը. ինչպես պետք է չափել ճնշումը appeared first on Social Blog.