News.am-ի հետ զրույցում նրանք վստահեցրին, որ 20-ամյա երիտասարդին մահվան հասցրել են անվերջանալի բուժզննումներն ու բժիշկների ոչ պատշաճ վերաբերմունքը։

Հարազատների խոսքով՝ զինկոմիսարիատի աշխատակիցների կողմից անտեսվել են Էրիկ Հարությունյանի հետազոտության արդյունքները, այն դեպքում, երբ, ըստ նրանց, իրեն այդ ցուցանիշներով պետք էր անհապաղ ազատել ծառայությունից եւ ուղարկել բուժման։ Սակայն նշանակում են ստացիոնալ մեկուսացված խիստ հսկողության պայմաններում զննման՝ Երեւանի թիվ 8 հիվանդանոցում:

«Անհայտ պատճառով հանձնաժողովի անդամներին չէր բավարարել, նրանք որոշել էին եւս մեկ անգամ ամենայն խստությամբ ստուգել նրա սրտի աշխատանքը։ Չնայած ծնողների բազմաթիվ խնդրանքներին, որ տղան հոգեբանական ծանր վիճակում է, երկրորդ անգամ չանեն հետազոտությունը, սակայն նրան ուղարկել են 8-րդ հիվանդանոց՝ բուժհետազոտման։

Զինվորական կոմիսարիատի իրականացրած չակերտավոր աշխատանքնեի վերջնական արդյունքը սա էր։ Երեխան, ինքն էլ էր պնդում՝ եթե առողջ եմ տարեք, եթե չէ, ապա թողեք բուժվեմ։ Սրտի ճնշումը տատանվում էր 150-170, իսկ իրենք պնդում էին՝ եթե ճնշում կա, ապա ուղեկցող հիվանդություն պիտի լինի, բայց այդ հիվանդությունը մենք չենք տեսնում»,- նշեց Էրիկի հարազատը՝ Սմբատ Շահինյանը։

Սմբատ Շահինյանը պատմում է, որ բուժզննումից հետո Էրիկը ծանր հոգեբանական վիճակում է հայտնվել, եկել է տուն ու գանգատվել բժիշկների վերաբերմունքից․ «Այդ օրը շատ լարված էր, սարսափելի նեղված էր իր նկատմամբ ունեցած վերաբերմունքից, չեն թողել սրտի դեղը խմի, ասել են՝ սրտիդ դեղը որ խմես, մենք քո ճնշումը լիարժեք չենք կարող արձանագրել։

Ասում էր՝ ճնշումս բարձրանում էր մինչեւ 170, եւ երբ բարձրանում էր 170, աշխատակիցն արագ անջատում էր սարքը, մտածում էր՝ հետո չափի, որ իջնի, ցածրը գրի։ Եղել է խիստ հսկողության տակ, չեն թողել սենյակից դուրս գա։  Ես չգիտեմ՝ ինքը ինչ պետք է աներ, որ արհեստական ճնշումը բարձրացներ»։

Սմբատ Շահինյանն ասում է՝ դատաբժշկական փորձաքննության նախնական արդյունքներն արդեն հայտնի են․ «Երեխայի մոտ սարսափելի վիճակում է եղել սիրտը, եթե երեխան գտնվեր լավագույն վերակենդանացման հիվանդանոցում, միեւնույն է, չէր փրկվի»։

Մանրամասները՝ News.am-ի տեսանյութում

The post Տղան հոգեբանական ծանր վիճակում է եղել․ վերջին հրաժեշտը Էրիկին (Տեսանյութ) appeared first on Social Blog.

Հայաստանի Եվրոպական համալսարանը ֆեյսբուքյան իր էջում գրել է․

«Սրտի խորը կսկիծով և ցավով տեղեկացնում ենք, որ սրտի կաթվածից հանկարծամահ է եղել Հայաստանի եվրոպական համալսարանի Տնտեսագիտության և կառավարման ֆակուլտետի 3-րդ կուրսի ուսանող Էրիկ Հարությունյանը։

Հայաստանի եվրոպական համալսարանի ողջ անձնակազմը ցավակցում և վշտակցում է իր սիրելի ուսանող Էրիկ Հարությունյանի անդառնալի կորուստը և իր զորակցությունն է հայտնում նրա ծնողներին, հարազատներին և մտերիմներին»։

The post Սրտի կաթվածից հանկարծամահ է եղել Էրիկ Հարությունյանը appeared first on Social Blog.