Shamshyan.com-ը գրում է․ Այսօր՝ հունվարի 14-ին, կրակոցներ են հնչել Կոտայքի մարզում: Ժամը 00:30-ի սահմաններում ՀՀ Ներքին գործերի նախարարության Ոստիկանության Կոտայքի մարզային վարչություն և Ոստիկանության Նաիրիի բաժին օպերատիվ տեղեկություններ են ստացվել, որ Քասաղ գյուղում կրակոցներ են հնչել: 

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են ՀՀ ՆԳՆ ոստիկանության Կոտայքի մարզային վարչության պետ Ռուբեն Դավթյանը, ոստիկանության Նաիրիի  բաժնի պետ Սանթուր Դուրգարյանը։ 

Ժամանել են նաև ՀՀ ՆԳՆ Ոստիկանության Պարեկային ծառայության Կոտայքի մարզի գումարտակի 2-րդ վաշտի 2-րդ դասակի պարեկները՝ գումարտակի հրամանատարի տեղակալ Լևոն Բադալյանի, գումարտակի ծառայության ավագ տեսուչ Արտակ Ասատրյանի, գումարտակի ծառայության տեսուչ Կառլեն Բաղյանի գլխավորությամբ: 

Պարզվել է, որ կրակոցները հնչել են Չարենցի փողոց թիվ 2-րդ տան ուղղությամբ։Դեպքի վայրում հայտնաբերվել են ինքնաձիգից արձակված մոտ 20 պարկուճ և 8 գնդակ, երկաթե դարպասի վրա  էլ՝ կրակոցի 16 հետք, տան պատերին նույնպես հայտնաբերվել են կրակոցի հետքեր։

Տեղում տարածքը սահմանազատել են ավագ պարեկ Արմեն Ավետիսյանն ու  կրտսեր պարեկ Պարույր Խաչատրյանը։Ահազանգով ժամանել են նաև ՀՀ Քննչական կոմիտեի Կոտայքի մարզային քննչական վարչության Նաիրիի քննչական բաժնի խումբը՝ վարչության պետ Հովհաննես Չալաբյանի, Նաիրիի քննչական բաժնի պետ Հովհաննես Հակոբյանի և օրվա պատասխանատու հերթապահ քննիչի գլխավորությամբ: 

Դեպքի փաստով Նաիրիի քննչական բաժնում նախաձեռնվել է քրեական վարույթ։

Գ․ Շամշյանի տեղեկություններով՝ տունը, որի ուղղությամբ արձակվել են կրակոցները, պատկանում է «Քաղաքացիական պայմանագիր» կուսակցության վարչության որոշմամբ վերջերս կուսակցությունից հեռացված Թաթուլ Ասիլյանին, վերջինս կրակոցների պահին իր ընտանիքի անդամների հետ եղել է տանը, ու բարեբախտաբար նրանք չեն տուժել։

The post Քասաղ գյուղում կրակել են ՔՊ-ից հեռացված Թաթուլ Ասիլյանի տան ուղղությամբ appeared first on Social Blog.

Վերջինս հայտնի է իր սկանդալային վարքագծով եւ գրառումներով:

Թաթուլ Ասիլյանը պարբերաբար ֆեյսբուքյան իր էջում հրապարակում է կարկառուն ՔՊ-ականների հետ լուսանկարներ, ինչպես նաեւ գրառումներ է ձոնում Նիկոլ Փաշինյանին:

Նա նախորդ տարի ընդդիմության ցույցերի ժամանակ հայտնվում էր տարբեր տեղերում ու միջադեպեր հրահրում, օրինակ՝ ընդդիմության՝ դեպի Գյումրի ավտոերթի ժամանակ նա, իր ընկերների հետ, գնացել ու փակել էր ճանապարհը, կռիվ սարքել այնտեղ:

Նա ներկա էր եղել ընդդիմության և Վանաձորի ակցիաների ժամանակ, և Երևանում «Քաղաքացիական պայմանագիր» կուսակցության գրասենյակի և այլ ակցիաների ժամանակ:

Պարբերաբար նա մասնակցում էր նաեւ ՔՊ նիստերին:

The post ՔՊ-ից հեռացվել է սկանդալային Թաթուլ Ասիլյանը appeared first on Social Blog.