Ադրբեջանագետ Տաթևիկ Հայրապետյանը տելեգրամյան իր ալիքում գրել է․

Ադրբեջանական մամուլը և հատկապես պետական «Az TV» հեռուստաընկերությունը կրկին թիրախավորել են Ռուբեն Վարդանյանին։ Կարծես թե Բաքվում ապօրինաբար պահվող Վարդանյանը այդպես էլ հանգիստ չի տալիս Իլհամ Ալիևին։

Ադրբեջանական պետական հեռուստաընկերության կիրակնօրյա թողարկման վերնագիրը նվիրված էր Վարդանյանին։ Ռեպորտաժում խոսվում է BBC-ի ռուսական ծառայության կողմից Վարդանյանի մասին պատրաստված հոդվածի մասին։

Ինչևէ, ակնհայտ է, որ Վարդանյանին Բաքվի բանտում պահելը խնդրահարույց է Իլհամ Ալիևի համար։

Բաց թողնել Ալիևը ևս դժվարանում է, քանի որ անձամբ ինքն է թիրախավորել Վարդանյանին, քանի որ Վարդանյանը իր գործունեությամբ բլոկադայի ժամանակ ճեղքել էր Ադրբեջանի կողմից ստեղծված տեղեկատվական վակուումը և հատկապես արևմտյան մամուլում ակտիվ բարձրաձայնում էր այդ հարցի մասին։

Ակնհայտ է նաև, որ Վարդանյանի ընտանիքն ու ընկերները բարձրացնում է ոչ միայն նրա, այլև Բաքվում պահվող բոլոր գերիների ազատ արձակման հարցը։

Ամեն դեպքում, ըստ իս՝ ճնշումները ու մեդիա հրապարակումներն այս թեմայով պետք է շարունակվեն, հակառակ դեպքում՝ Ադրբեջանը կմտածի, որ կարող է հրապարակային անպատիժ դատավարություններ անել։ Ալիևը պետք է հասկանա, որ ամեն ինչ չէ, որ կարող է անել և մարսել․․․

Դա կարևոր է ոչ միայն Վարդանյանի և Բաքվում ապօրինաբար պահվող մեր այլ հայրենակիցների անվտանգության, այլ նաև Հայաստանի՝ որպես պետության իմիջի համար առհասարակ։

The post Ռուբեն Վարդանյանը հանգիստ չի տալիս Իլհամ Ալիևին appeared first on Social Blog.

Ադրբեջանը սպասում է խաղաղության պայմանագրի վերաբերյալ առաջարկների պատասխանին, որոնք Բաքուն Երևանին է ներկայացրել ավելի քան երկու ամիս առաջ: Որքան արագ լինի պատասխանը, այնքան լավ։

«Մենք խաղաղության պայմանագրի նախագծի վերաբերյալ առաջարկներ ենք փոխանակել մի քանի անգամ, բայց ավելի քան երկու ամիս է՝ սեպտեմբերի 11-ից, սպասում ենք Հայաստանի կառավարության պատասխանին։

Մենք ուզում ենք իմանալ նրանց կարծիքը այդ մեկնաբանությունների վերաբերյալ: Բայց այդպես էլ պատասխան չենք ստացել», – ասել է Ալիևը։

Նա նշել է, որ Երևանը ձգձգում է պատասխանը, որովհետև վատ խորհուրդներ է ստանում Ֆրանսիայից:

«Ֆրանսիան շատ ապակառուցողական դեր է խաղում Հարավային Կովկասում։ Փաստացի Հայաստանը դարձել է ֆրանսիական կառավարության խամաճիկը, և դա կարող է լուրջ սպառնալիք դառնալ տարածաշրջանային կայունության համար», – ասել է Ադրբեջանի նախագահը։

The post Որքան արագ լինի, այնքան լավ. Բաքուն սպասում է Երևանի պատասխանին appeared first on Social Blog.

Ադրբեջանի նախագահ Իլհամ Ալիևը ելույթ է ունեցել Ստեփանակերտի ռազմական շքերթի ժամանակ և անդրադարձել Հայաստանին, 44-օրյա պատերազմին և հայ-ադրբեջանական հարաբերություններին։

«Եթե ​​Հայաստանի ղեկավարությունը և նրա թիկունքում կանգնած որոշ արտաքին ուժեր այն ժամանակ և այսօր լսեին իմ խոսքերը, ղարաբաղյան երկրորդ պատերազմը չէր լինի։

Ես բազմիցս ասել եմ՝ դիմելով Հայաստանի ղեկավարությանը. եթե չլքեք մեր հողերը, դեմ առ դեմ կհանդիպեք մեզ հետ մարտի դաշտում», – ասել է Ալիևը։

The post «Եթե Հայաստանի ղեկավարությունը լսեր ինձ, պատերազմի կարիք չէր լինի». ինչ նկատի ունի Ալիևը appeared first on Social Blog.

Ադրբեջանի նախագահ Իլհամ Ալիևը Ստեփանակերտից նոր սպառնալիքներ է հնչեցրել Հայաստանի հասցեին։

Նրա խոսքով, «եթե Հայաստանում ինչ-որ ուժ դեռ մտածում է ռեւանշի մասին, թող ուշադիր նայեն» Արցախի նախկին ղեկավարների գերեվարման կադրերը։ Ալիևը վերջիններիս ծաղրածու է անվանել։ 

«Հետաքրքիր է՝ այս շենքերից մեկում նստած մարդը, ով իրեն «վարչապետ» էր կոչում, կհամարձակվի՞ այսօր մեզ սպառնալ։ Այսօր քննչական մեկուսարանում նրան նույնպես թեյ են մատուցում…»։

Նա խոստացել է, որ ադրբեջանցիները «հավերժ» կմնան Արցախում։

Ալիևը պղծել է նաեւ Արցախի դրոշը՝ լուսանկարվելով դրա վրա կանգնած։

Ադրբեջանի նախագահը լուսանկարվել է նաև Արցախի նախագահական նստավայրում։

The post Ալիևը պղծել է Արցախի դրոշը՝ լուսանկարվելով դրա վրա կանգնած appeared first on Social Blog.

Հոկտեմբերի 15-ին Ադրբեջանի նախագահ Իլհամ Ալիևը Ստեփանակերտում բարձրացրել է Ադրբեջանի պետական ​​դրոշը և հանդես եկել ելույթով։ Այս մասին հայտնում են ադրբեջանական լրատվամիջոցները։

Ադրբեջանական լրատվամիջոցների փոխանցմամբ՝ Ստեփանակերտի վարչական շենքի վրա արդեն տեղադրվել է Ադրբեջանի զինանշանը։

Ավելի վաղ հայտնել էին, որ Ալիևը դրոշ է բարձրացրել նաև Մարտակերտում և Սարսանգի ջրամբարի մոտակայքում։

The post Ալիևը Ստեփանակերտում ադրբեջանական դրոշ է բարձրացրել appeared first on Social Blog.

«Եթե ​​տարածաշրջանում որևէ նոր բախում տեղի ունենա, մեղավորը կլինի Ֆրանսիան»,- այս մասին Ադրբեջանի նախագահ Իլհամ Ալիևն ասել է հոկտեմբերի 7-ին Եվրոմիության խորհրդի նախագահ Շառլ Միշելի հետ հեռախոսազրույցի ժամանակ։

«Ադրբեջանի 8 գյուղեր դեռևս Հայաստանի կողմից գրավված են, և կարևոր է ազատել դրանք օկուպացիայից»,-ասել է նա։

The post «Եթե ​​տարածաշրջանում որևէ նոր բախում տեղի ունենա, մեղավորը կլինի Ֆրանսիան». Ալիև appeared first on Social Blog.