ԱԺ նախկին պատգամավոր Նաիրա Զոհրաբյանը ասուլիսից հատված է հրապարակել իր էջում՝ «Ի՞նչ է եղել Բաքվի բանտում գտնվող Լևոն Մնացականյանի հետ» վերնագրով։

«Արցախի քաղաքական էլիտան, այդ թվում Լևոն Մնացականյանը, շարունակում են մնալ Բաքվի բանտերում։ Էդ կալանավորումը ես ինքս համարում եմ խոշտանգում։

Իմ տեղեկատվությամբ, բոլորին հնարավորություն տրվել է կապ հաստատել իրենց ընտանիքների հետ»,- ասել է Զոհրաբյանը։

The post «Ի՞նչ է եղել Բաքվի բանտում գտնվող Լևոն Մնացականյանի հետ»․ Նաիրա Զոհրաբյան appeared first on Social Blog.

MediaHub-ը գրում է․ Մեկ շաբաթ առաջ Բաքուն կադրեր հրապարակեց Արցախի նախկին նախագահների ու ռազմաքաղաքական ղեկավարների ձերբակալման մասին։ 

Ավելի ուշ հայտնի դարձավ, որ նրանց շարքում է նաև Արցախի պաշտպանության նախկին նախարար, ՊԲ հրամանատար Լևոն Մնացականյանը։ Սակայն, ադրբեջանական կողմը մինչ օրս խնամքով թաքցնում է Մնացականյանի ձերբակալման կադրերը։ 

Նրա գտնվելու վայրի մասին որևէ տեղեկություն առ այսօր չի հրապարակվել։ 

MediaHub-ը կապ է հաստատել Լևոն Մնացականյանի ընտանիքի հետ։ Մեզ փոխանցեցին, որ ամբողջ խնդիրը նրանում է, որ այս պահին իր մասին որևէ տեղեկություն չկա։ 

«Ենթադրելի է մի բան, որ ինքն այլ տեղ է պահվում։ Նա սրտի վիրահատություններ էր տարել և առողջական լուրջ խնդիր ունի։ Միայն Կարմիր խաչն է մեկ անգամ ընտանիքից որոշ դեղեր վերցրել։ Այլ տեղեկություն այս պահին չունենք»,- ասաց մեր զրուցակիցը։ 

Մնացականյանի ընտանիքն անհանգիստ է ու նաև տարօրինակ է համարում Արցախի ռազմաքաղաքական ղեկավարության ձերբակալման մասով՝ համատարած լյռությունը։

Հիշեցնենք, որ մինչ օրս Բաքուն հրապարակել է նախկին նախագահներ Արկադի Ղուկասյանի, Բակո Սահակյանի, Արայիկ Հարությունյանի, ԱԺ նախագահ Դավիթ Իշխանյանի ձերբակալման կադրերը: Ուրբաթ օրը, տևական լռությունից հետո, հրապարակվեց նաև Արցախի նախկին ԱԳ նախարար Դավիթ Բաբայանի լուսանկարը՝ գրադարանից: Սակայն Լևոն Մնացականյանից որևէ լուսանկար ու տեսանյութ մինչ օրս չկա:

The post Լևոն Մնացականյանի գերությունն ու լռությունը. ի՞նչ են հայտնում հարազատները appeared first on Social Blog.