Մոսկվայի թիվ 2107 դպրոցի աշակերտը կորցրել է գիտակցությունը անգլերենի դասաժամից առաջ, բժիշկները չեն կարողացել փրկել տղային, ծնողներին և դասընկերներին հոգեբանական օգնություն կտրամադրվի, ՌԻԱ Նովոստիին ասել է ուսումնական հաստատության տնօրեն Ելենա Նաումովան։

«Փետրվարի 20-ին մեր դպրոցում ողբերգություն է տեղի ունեցել, երրորդ դասարանի աշակերտը ուսուցչուհու ուղեկցությամբ անգլերենի դասասենյակ գնալիս կորցրել է գիտակցությունը։

Անմիջապես շտապ օգնություն են կանչել։ Ցավոք, չնայած բժիշկների ջանքերին, կատարված վերակենդանացման միջոցառումներին, տղային փրկել չի հաջողվել»,- պարզաբանել է տնօրենը։

Նա ասել է, որ տղայի դասընկերների հետ այժմ հոգեբաններն են աշխատում։

The post Աշակերտը հանկարծամահ է եղել դասի ժամանակ appeared first on Social Blog.

Shamshyan.com-ի տեղեկություններով՝ երեկ՝ սեպտեմբերի 29-ին, Արարատի մարզում հանկարծամահ է եղել Արցախի Հանրապետությունից բռնագաղթած մի քաղաքացի։

Ժամը 10։00-ի սահմաններում «Արտաշատ» ԲԿ-ից ՀՀ Ներքին գործերի նախարարության Ոստիկանության Արտաշատի բաժին ահազանգ է ստացվել, որ իրենց մոտ է տեղափոխվել տղամարդու դի։

Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել Ոստիկանության Արտաշատի բաժնի հերթապահ խումբը՝ օրվա պատասխանատու հերթապահի գլխավորությամբ։

Ժամանել է նաև Հայաստանի Քննչական կոմիտեի Արարատի մարզային քննչական վարչության խումբը՝ օրվա պատասխանատու հերթապահ քննիչի գլխավորությամբ։

Ոստիկաններն ու քննիչները պարզել են, որ մահացածը Արցախի Հանրապետության Վանք գյուղի բնակիչ 103-ամյա Մեսրոպ Տ․-ն է։

Դեպքի փաստով Արարատի մարզային քննչական վարչությունում նախաձեռնվել է քրեական վարույթ։ Քննիչի որոշմամբ՝ նշանակվել է դիակի դատաբժշկական փորձաքննություն։

The post Հայաստան բռնագաղթած 103-ամյա արցախցին հանկարծամահ է եղել appeared first on Social Blog.