steptohealth.ru կայքը գրում է, որ 15 գաղտնիքների միջոցով կարելի է առանց տանջանքների ազատվել ավելորդ կիլոգրամներից:

Շատ օգտագործեք բանջարեղեն, մրգեր, ընկույզ: Դրանք բոլորն իրենց մեջ նյութեր են պարունակում, որ օգնում են օրգանիզմից հանել այն ամենը, ինչ նրան պետք չէ:

Կանաչ և կարմիր թեյ խմեք: Դրանք օգնում են այրել ճարպերը և կանխում են ճարպերի մնալն օրգանիզմում:

Խուսափեք աղի օգտագործումից, քանի որ այն ճարպերը պահում է օրգանիզմում:

Նախաճաշելը ձեզ կօգնի օրվա ընթացքում առավել շատ էներգիա ունենալ և չգայթակղվել աշխատանքի ընթացքում որոշ բաներ ուտելով:

Ընթրիքը պետք է թեթև լինի: Այն ամենը, ինչ ուտում եք ժամը 8-ից հետո, այլևս չի այրվում:

Պարբերաբար բանջարեղենով ապուր կերեք: Դրանք շատ լավ կշտացնում են և օգտակար են առողջության համար:

Մի տարվեք ցածր կալորիաներով սպիտակուցային դիետաներով: Դա վնասակար է առողջության համար, բացի դա՝ որոշ ժամանակ անց քարը նորից ավելանում է:

Տապակած մթերքներ և կիսաֆաբրիկատներ մի օգտագործեք. դրանք մեծ քանակով ճարպեր են պարունակում:

Աշխատեք խուսափել դրսում սնվելուց, քանի որ դա սովորաբար ավելի շատ կալորիականություն ունի և ավելի քիչ օգտակար է:

Սնվելու ընթացքում հեռուստացույց մի նայեք, շատ մի խոսեք:

Երբեք մինչև ամբողջությամբ հագենալը մի կերեք: Դուք պետք է թեթև սովի զգացում ունենաք ուտելուց հետո, որը մի քանի րոպե անց կանցնի:

Ուտելուց անմիջապես հետո դեսերտ մի կերեք:

Որպես դեսերտ՝ միրգ մի կերեք, քանի որ այդ դեպքում նյութափոխանակությունը կդանդաղի:

Պարբերաբար սպորտով զբաղվեք, շաբաթվա ընթացքում ամենաքիչը 3 անգամ:

Սովորություն դարձրեք շատ քայլել, վերելակից օգտվելու փոխարեն՝ ոտքով բարձրացեք:

The post Առանց տանջանքների քաշը կորցնելու 15 գաղտնիք appeared first on Social Blog.

Շաղգամը մեծ նշանակություն է ունեցել մարդկանց սննդի մեջ` մինչև կարտոֆիլի տարածվելը։ Շաղգամով սնվում էին ոչ միայն գյուղացիները, պանդուխտները, ռազմիկները, այլ նաև այն մատուցվում էր թագավորական սեղաններին։

Շաղգամն ուտում էին խորոված, եփած, շոգեխաշած վիճակում, որպես լցոն կարկանդակների մեջ, դրանցից պատրաստում էին տարբեր կերակրատեսակներ, կվաս։

Հում շաղգամը պարունակում է մինչև 9 տոկոս շաքար։ Վիտամին C-ի պարունակությամբ այն համարյա երկու անգամ գերազանցում է նարնջին, կիտրոնին, սպիտակագլուխ կաղամբին, լոլիկին, ազնվամորուն և գետնամորուն։

Բացի ասկորբինաթթվից, պարունակում է վիտամիններ` B1, B2, B5, PP, ենթավիտամին A (հատկապես դեղին շաղգամը)։ Պարունակում է կալիում, կալցիում, ֆոսֆոր, մագնեզիում, երկաթ, յոդ և այլ կարևոր մակրո և միկրո տարրեր և մանրէասպան ֆիտոնցիդներ։

Լնդերի բորբոքում, կարիես. 1 ճ/գ շաղգամի մանրացրած տերևուքը 30 րոպե թրմեք 500 մլ եռջրում, քամեք։ Կատարեք ողողումներ։

Մրսածություն, հազ, կոկորդի ցավ. Մանրացրեք և խառնեք 2 ճ/գ արմատապտուղը, 15 րոպե եփեք 200 մլ եռջրում։ Խմեք 50-ական մլ` օրը 4 անգամ։

Հոդատապ. Եփած շաղգամի խյուսը տեղադրեք հիվանդ հատվածին։ Եփուկով կատարեք լոգանքներ։

Վատ ինքնազգացողություն, անքնություն. Խառնեք շոգեխաշած շաղգամի հյութը մեղրի հետ և խմեք քնելուց առաջ։

Բրոնխների ասթմա. Թարմ արմատապտղից ստացված հյութը 5 րոպե եփեք ջրային բաղնիքի վրա։ Խմեք 1-ական ճ/գ` օրը 3-5 անգամ։ Օգտակար է նաև լարինգիտի, մրսածության հետևանքով առաջացած ձայնի կորուստի, սրտխփոցի, անքնության դեպքում։

Ցրտահարություն. Աղացեք թարմ շաղգամը, խառնեք գոլացրած սագի յուղի հետ (2։1), հարեք։ Քսուքը պահեք սառնարանում։

Հակացուցված է` երիկամների հիվանդության, ստամոքսի և աղիների բորբոքումների դեպքում։ 100 գ շաղգամը պարունակում է ընդամենը 28 կկալ։ Արմատապտուղը կշտացնում է, բայց չի գիրացնում։ Այդ է պատճառը, որ դիետոլոգները խորհուրդ են տալիս այն` որպես ավելորդ քաշից ազատվելու միջոց։

Մշակել են նույնիսկ հատուկ սննդակարգ` քաշը նվազեցնելու համար, պետք է հրաժարվել քաղցրավենիքից, և յուրաքանչյուր անգամ սնվելուց առաջ պարտադիր է ուտել շաղգամ, ընթացակարգը` 1 ամիս։

The post Այս հյութը լավագույն միջոցն է ավելորդ քաշից ազատվելու համար appeared first on Social Blog.