Oragir.News-ի փոխանցմամբ` այսօր Ոսկեհասկ գյուղում վերջին հրաժեշտն են տվել պայթյունի հետեւանքով մահացած 12-ամյա Լուսինե Խաչատրյանին։

Նշենք, որ օգոստոսի 1-ին ողբերգական դեպք է տեղի ունեցել Շիրակի մարզի Ոսկեհասկ գյուղում։

Պայթյուն-փլուզում էր տեղի ունեցել․ Խաչատրյանների 7 հոգանոց ընտանիքից 5-ն են պայթյունի ժամանակ տանը եղել։ Ընտանիքի անդամներից 2-ը՝ հարսն ու սկեսուրը, վիրավորում են ստացել, 12-ամյա աղջիկը տեղում մահացել է։

The post Ոսկեհասկ գյուղում վերջին հրաժեշտն են տվել պայթյունի հետևանքով մահացած 12-ամյա աղջնակին appeared first on Social Blog.

Շիրակի մարզում այսօր վաղ առավոտյան գազի բալոնի պայթյունի հետևանքով մահացել է 12-ամյա աղջնակ։ Այս մասին Oragir.News-ի հետ զրույցում հայտնեց Ախուրյան համայնքի ղեկավար Զավեն Մանուկյանը։

«Այդ գյուղը գազաֆիկացված չէ, հեղուկ գազի բալոնն է պայթել։ Տանը 6 հոգի են եղել՝ 3 անչափահաս երեխա, հայրը, մայրը և տատիկը։

Հայրիկին բան չի եղել, 2 երեխան, մայրն ու տատիկը վնասվածքներ են ստացել, բայց նրանց կյանքին վտանգ չի սպառնում, իսկ 12-ամյա աղջնակը, ցավոք, մահացել է։ Երեք երեխա ունեին, 2 աղջիկ, 1 տղա, մահացած աղջնակը երեխաներից մեծն էր»,- ասաց համայնքապետը։

Ավելի վաղ հայտնել էինք, որ այսօր՝ օգոստոսի 1-ին, արտակարգ դեպք է տեղի ունեցել Շիրակի մարզում։ Ժամը 06։15-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Ոսկեհասկ գյուղում պայթյուն, փլուզում է տեղի ունեցել։

Փրկարարները փլատակների տակից դուրս են բերել երեխայի դի։

The post 3 երեխաներից 2-ը վիրավորվել են, 1-ը՝ մահացել․ մանրամասներ՝ գազի բալոնի պայթյունից appeared first on Social Blog.