«Հաշվի առնելով, որ վերջին ժամանակներս համացանցում, մասնավորապես, սոցիալական ցանցերում առանձին օգտատերերի կողմից  լայն տարածում են ստացել Արցախի Հանրապետության պաշտոնատար անձանց կողմից առերևույթ հանցագործություններ կատարելու մասին հրապարակումներ և հանգամանքը, որ Արցախի Հանրապետության իշխանությունները շահագրգռված են պաշտոնատար անձանց կողմից կատարված հնարավոր չարաշահումները բացահայտելու և մեղավոր անձանց պատասխանատվության ենթարկելու հարցում՝ նախագահ Սամվել Շահրամանյանը նամակով դիմել է ՀՀ գլխավոր դատախազ Աննա Վարդապետյանին՝ խնդրանքով, որ նմանատիպ հրապարակումները ՀՀ դատախազությունն ընդունի որպես հանցագործության մասին հաղորդումներ և դրանք քննության առնի օրենսդրությամբ սահմանված կարգով։

Այն քաղաքացիներին, ովքեր ունեն տեղեկություններ կամ փաստեր վերոգրյալի կապակցությամբ, հորդորում ենք աջակցել գործընթացին և դրանք ներկայացնել ՀՀ իրավապահ մարմիններին»:

The post Սամվել Շահրամանյանը նամակով դիմել է Աննա Վարդապետյանին appeared first on Social Blog.

Այս մասին Արցախի Հանրային հեռուստաընկերությանը տված հարցազրույցում հայտարարել է նախագահ Սամվել Շահրամանյանը:

«Բանակցությունների արդյունքում ընդունել ենք փաստաթուղթ, որը նախատեսում էր սեպտեմբերի 20-ին դադարեցնել ռազմական գործողությունները, լուծարել ՊԲ-ն, դուրս բերել ՀՀ զինուժի ուժերը, հանձնել զինտեխնիկան:

Մեզ համար անընդունելի էր «ՀՀ զինուժի մնացորդների դուրսբերում» ձևակերպումը, բայց դա ադրբեջանցիների պնդումն էր, բայց հասկանալով, որ այդ փաստաթղթի տակ չենք ստորագրում և իրավական ոչ մի պարտավորություն չենք ստանձնում, մենք իրենց բանավոր ու գրավոր տեղեկացնում էինք, որ ՀՀ զինուժ չկա Արցախում:

Հայաստանը տեղյակ էր Արցախը ինչ է ստորագրում և մենք քննարկում էինք ՀՀ իշխանությունների հետ հնարավոր վտանգները կապված այդ փաստաթղթերի հետ, բայց մեր նպատակը արցախցիների կյանքը փրկելն էր», – ասել է նա:

The post Հայաստանը տեղյակ էր՝ Արցախը ինչ է ստորագրում․ Շահրամանյան appeared first on Social Blog.

Այս մասին քիչ առաջ դիմելով Արցախի ներկայացուցչության շենքի դիմաց բողոքի ակցիա իրականացնող արցախցիներին՝ ասաց Արցախի նախագահ Սամվել Շահրամանյանը։

«Մեզ չհաջողվեց լրատվամիջոցներից զերծ մնալ։ Ժողովուրդ, այն, ինչ պիտի ձեզ ասեմ, մեծ վտանգներ է պարունակում թե Հայաստանի, թե Արցախի հետագա ճակատագրի հետ կապված։ Մենք բոլորս շատ վատ վիճակում ենք, ծայրահեղ ծանր վիճակում ենք։

Հիմա այն, ինչ այստեղ կատարվում է, ավելի է ծանրացնում մեր վիճակը։ Ես ուզում եմ բոլորիդ վստահեցնել՝ մենք ստեղ դուշման չունենք, մեր թշնամին մեկն է, ու բոլորս էլ դա հասկանում ենք»։

Տեսանյութը ստորև

The post Այն, ինչ պիտի ձեզ ասեմ, մեծ վտանգներ է պարունակում թե Հայաստանի, թե Արցախի համար․ Շահրամանյան appeared first on Social Blog.

Factor.am-ը գրում է․ Այսօր առավոտից ՀՀ-ում Արցախի Հանրապետության մշտական ներկայացուցչությունում էին ԱՀ նախագահ Սամվել Շահրամանյանը, նախկին և ներկա պաշտոնյաներ։

Այստեղ էին գալիս նաև բռնի տեղահանված արցախցիները։ Թե Արցախի լուծարման հրամանագիրը ստորագրած Սամվել Շահրամանյանն ու այլ պաշտոնյաներ ինչո՞վ են զբաղված Արցախին առնչվող միակ գործող կառույցում, հնարավոր չեղավ պարզել։ Լրագրողների մուտքը շենք արգելված է։

Շենքի բակում Արցախի պետհամարանիշերով մի քանի ավտոմեքենաներ էին կայանված, որոնք, հավանաբար, սպասարկում են Արցախի դեռևս գործող նախագահ Սամվել Շահրամանյանին։

Factor TV-ի նկարահանող խմբի՝ այնտեղ գտնվելու ամբողջ ընթացքում կառույց ելումուտը չէր դադարում։ Բայց պաշտոնյաները, որոնց մենք հանդիպում էինք, հրաժարվում էին հարցերի պատասխանել։ Ադրբեջանի հարձակումից մեկ օր առաջ՝ սեպտեմբերի 18-ին Արցախի պետնախարար նշանակված Արթուր Հարությունյանը, որն Արայիկ Հարությունյանի հորեղբորորդին է, հրաժարվեց խոսել այն մասին, թե ինչպես մեկ օրում Արցախի ՊԲ-ն և պետական մյուս բոլոր կառույցները լուծարելու որոշում կայացվեց։ Նրա օրինակին հետևեց նաև Արցախի ԱԺ նախկին նախագահ Աշոտ Ղուլյանը․ նա նույնպես ասելիք չունի։

Արցախի մշտական ներկայացուցչությունում էր նաև ադրբեջանցիների հետ Եվլախում բանակցած Արցախի ԱԺ արտաքին հարաբերությունների մշտական հանձնաժողովի նախագահի տեղակալ Դավիթ Մելքումյանը։

Չհաջողվեց նրանից պարզել, թե այս ընթացքում Բաքվի ներկայացուցիչների հետ ի՞նչ պայմանավորվածություններ են ձեռք բերել։ Նա, ի դեպ, դեռևս 2016 թվականին հայտարարել էր, թե նպատակ ունեն Արցախը ճանաչել անկախ պետություն, իսկ այսօր առանց ոչինչ ասելու հեռացավ «գոլդ» պետհամարանիշերով թանկարժեք այս ավտոմեքենայով։

Հայտնի չէ նաև՝ արդյո՞ք առաջիկայում արցախահայերի ներկայացուցիչների և ադրբեջանական կողմի միջև հանդիպումներ նախատեսվում են։ Հարցերին պատասխանելուց հրաժարվեց նաև 2018-2021 թվականներին ԱՀ պետնախարարի պաշտոնը զբաղեցրած Գրիգորի Մարտիրոսյանը։ Մինչ Արցախի ներկա և նախկին պաշտոնյաներն ակտիվ ներս ու դուրս էին անում, բռնի տեղահանված արցախցիներն իրենց սոցիալական խնդիրներով շենքի դարպասների մոտ էին։

Նրանց, սակայն, չէր հաջողվում հանդիպել որևէ պաշտոնյայի հետ։ 2020 թվականի պատերազմի ժամանակ տեղահանված հադրութցիները, սոցիալական խնդիրներին առնչվող հարցերից զատ, այլ հարցեր ևս ունեն․ օրինակ՝  ինչպես ժողովրդական հանրաքվեով ինքնորոշված Արցախը մեկ հոգու ստորագրությամբ լուծարվեց։

Մեր այնտեղ գտնվելու ամբողջ ընթացքում հավաքված արցախցիներին այդպես էլ որևէ պաշտոնյա չմոտեցավ։ Նրանք, սակայն, առավել կարևոր են համարում Արցախի լուծարման մասին անպատասխան հարցերի պարզաբանումները:

The post Շահրամանյանը Երևանում հանդիպումներ է ունենում. ինչ է կատարվում Արցախի ներկայացուցչությունում appeared first on Social Blog.