Լեռնային Ղարաբաղում տեղակայված ռուս խաղաղապահներին պատկանող զրահափոխադրիչներից մեկը վթարի է ենթարկվել:

Ադրբեջանական լրատվամիջոցները հայտնում են, որ ռուսական  զրահափոխադրիչը Ստեփանակերտի մոտակայքում ընկել է ձորը, ինչի հետևանքով մեկ խաղաղապահ է զոհվել, երկուսը վիրավորվել են։

ՌԴ պաշտպանության նախարարությունը պաշտոնապես դեռ չի հաստատել այդ տեղեկությունը:

The post Ստեփանակերտում ՌԴ խաղաղապահների զրահափոխադրիչն ընկել է ձորը. կա զոհ appeared first on Social Blog.

Ստեփանակերտի փողոցներից մեկն սկսել է կրել ուկրաինացի մեծ բանաստեղծ Տարաս Շևչենկոյի անունը, այս մասին ֆեյսբուքյան իր էջում հայտնել է Բաքվում Ուկրաինայի դեսպան Վլադիսլավ Կանևսկին։

«Խանքենդիում յուրօրինակ «ուկրաինական շունչ» է ձևավորվել. քաղաքի փողոցներից մեկն այժմ կրում է մեծ Կոբզարի՝ Տարաս Շևչենկոյի անունը։ Ահա թե ինչ է գրում Google-ը, որը, ինչպես գիտեք, ամեն ինչ գիտի»,- գրել է Կանևսկին։

Ավելի վաղ հայտնի էր դարձել, որ Ստեփանակերտի կենտրոնական փողոցներից մեկը վերանվանվել է թուրք դահիճ Էնվեր փաշայի անունով:

Թուրքական պետական TRT պարբերականը հայտնել էր, որ օկուպացված Ստեփանակերտի կենտրոնական փողոցներից մեկը վերանվանվել է Հայոց ցեղասպանության գլխավոր կազմակերպիչներից մեկի՝ Էնվեր փաշայի անունով։

The post Ստեփանակերտում հայտնվել են Տարաս Շևչենկոյի և Էնվեր փաշայի անուններով փողոցներ appeared first on Social Blog.

«Риа Новости»-ի տեղեկություններով, Արցախում տապալվել է Եվրոպայի երկրորդ ամենամեծ խաչը:

Ստեփանակերտի մերձակայքում՝ Դաշուշեն գյուղի մոտակայքում գտնվող բլուրերից մեկի վրա 50 մետր բարձրությամբ խաչ է կանգնած եղել:

Այն տեղադրվել է 2017 թվականին՝ ի հիշատակ հայ զինվորականների: Ադրբեջանի զինյալները խաչն արդեն տապալել են:

Հիշեցնենք, որ Ադրբեջանի Հանրապետությունը՝ նախագահ Իլհամ Ալիևի հրամանով, քանդում են, ավելի ճիշտ ավերում բոլոր մշակութային կոթողները, ոչնչացնում հազարավոր տարիներ ապրած եկեղեցիներ ու խաչքարեր։

The post Ստեփանակերտում տապալել են 50 մետրանոց ամենամեծ խաչը appeared first on Social Blog.

Քաղաքական գործիչ Սուրեն Սահակյանի ֆեյսբուքյան գրառումը.

«Ստեփանակերտն ա էսօր։ Շատերն ասում են սրտաճմլիկ տեսարաններ մի տարածեք։ Ես հակառակն եմ կարծում։ Մենք պետք ա տեսնենք սա։ Զգանք սա։ Լավ մտապահենք, որ իմանանք՝ ինչի համար ենք շուտով կռվելու։

Որ իմանանք՝ մեր տունը, որ էսօր ապահով ա թվում, մեր հրապարակները, որտեղ երջանիկ տուրիստներ ու սիրահար զույգեր են զբոսնում, շատ հնարավոր ա սենց դառնա, եթե մենք էլ կառավարող ուժի նման մտածենք՝ պայքարել չի կարելի, էսկալացիա թույլ տալ չի կարելի․ ա՛յ, ա՛յ, ա՛յ… փիս բան ա էսկալացիան»:

The post «Մենք պետք ա տեսնենք սա». Սուրեն Սահակյան appeared first on Social Blog.

Արամ Գևորգյանը ֆեյսբուքյան իր ջում գրել է․

«Պապ, մի օր հետ կգամ». հրաժեշտ հոր շիրիմին, Ստեփանակերտ, «Եղբայրական»…

The post «Պապ, մի օր հետ կգամ». հրաժեշտ հոր շիրիմին appeared first on Social Blog.

Արցախցի Նանար Պողոսյանը վերջին անգամ է գիշերել Ստեփանակերտի իր տանը, ավելի ճիշտ՝ լուսացրել։

«Կներես պապ, կներեք տղերք Ձեր թափած արյան համար եմ մինչև վերջ մնացել Արցախում, կառուցել ու կառուցել՝ տներ, արժանապատվություն, պատիվ ու անուն, հիմա ոչ հող ունեմ, ոչ տուն, ոչ հայր, ոչ հայրենիք:

Չգիտեմ ուր եմ գնում և որտեղ կմթնի օրս, բայց հայրենազրկման ճանապարհին հասկացա, թե ոնց է լինում իսկական որբը:

Հ.Գ. Կներես պապ, չկարողացա անգամ ճանապարհն անցնել ու գալ հայրենի ծննդավայր քեզ հրաժեշտ տալու, անգամ տան պատից կախված լուսանկարդ սրբորեն ինձ հետ վերցնելու:

Կյանքիս ամենասարսափելի լուսաբացը օտար ամայի ճամփեքի վրա…

Երբեք չեմ պատկերացրել, որ մի օր վերջին լուսանկարը կունենամ իմ տան պատուհանից, իսկ մյուս տանս չեմ էլ կարողանա հրաժեշտ տալ, որովհետև թուրքն է այդպես ուզում»,- Facebook-ում գրել է Պողոսյանը։

The post «Կներես պապ, պատից կախված լուսանկարդ չկարողացա ինձ հետ վերցնել». արցախցի աղջկա վերջին օրը՝ Ստեփանակերտում appeared first on Social Blog.