Հիշեցնենք, որ երեկ Վահրամաբերդ գյուղի ձոր տանող ճանապարհին տեղի էր ունեցել վիճաբանություն, հնչել էին կրակոցներ, սպանվել էր Մարմաշեն գյուղի բնակիչ 31-ամյա Արաբո Թառլոյանը, մի հոգի էլ՝ 39-ամյա Լևոն Թառլոյանը, վիրավորվել էր՝ վնասվածք էր ստացել ձախ սրունք-թաթային հոդի շրջանում։

Սպանված 31-ամյա Արաբո Թառլոյանը, համայնքի ղեկավարի պատմելով՝ հոր հետ Երևանում էր աշխատում։

«Հեր ու տղա Երևանում էին աշխատում; Հետո հերը գնաց խոպան, ինքն էստեղ էր գյուղատնտեսական աշխատանքներ էր անում։ Գիտեմ, որ ամուսնացած չէր, 2 քույր ունի»,- շարունակում է Տիգրան Տիգրանյանը։

Գյուղապետի խոսքով՝ գյուղում տարբեր վարկածներ են շրջանառվում, բայց ճշմարտությունը ոչ ոք չգիտի, թե ինչ է եղել, կամ ինչի համար եղավ այս ողբերգությունը։

Oragir.News-ի աղբյուրի փոխանցմամբ՝ օրեր առաջ դարձյալ վիճաբանություն է եղել Արաբո Թառլոյանի և Վահրամաբերդի բնակչի միջև։

Նշենք նաև, որ դեպքի փաստով Շիրակի մարզային քննչական վարչությունում «սպանություն», «սպանության փորձ» հատկանիշներով նախաձեռնվել է քրեական վարույթ։

The post Շինարար տղա էր, ամուսնացած չէր. մանրամասներ՝ Վահրամաբերդում սպանված 31-ամյա բնակչի մասին appeared first on Social Blog.