Armlur.am-ը գրում է․ Wildberries-ը, փակելով ռուսական տարբերակով գնումներ կատարելու էժան և մատչելի տարբերակը, այժմ հայկական շուկայի գնորդների համար այլ անակնկալ է մատուցում։

Երեկվանից հայտնի դարձավ, որ հոկտեմբերի 30-ից Wildberries-ի ապրանքի ստացման կետերի անվճար պոլիէթիլենային տոպրակներն այլևս անվճար չեն լինի։

Ըստ օգտատերերի՝ ստացած ծանուցումներից պարզ է դառնում, որ տոպրակներն այսուհետ կլինեն վճարովի, այսինքն երբ վերցնեք ձեր ապրանքը Wildberries-ից և ցանկանաք այն տոպրակի մեջ դնել, ապա տոպրակը կարժենա 22-ից 65 դրամ։

Պոլիեթիլենային տոպրակների համար գումարը գանձվելու է Wildberries-ի ձեր հաշվին կցված քարտից։
Ըստ երևույթին, սա արվում է, քանի որ Wildberries-ը հանդիսանում է Հայաստանի 1000 խոշոր հարկատուներից մեկը և ստիպված պետք է ենթարկվի պոլիէթիլենային տոպրակների մասին հայաստանյան օրենքին, ըստ որի տոպրակները հաճախորդներին տրվելու են որոշակի գումարի դիմաց։

Այդ գումարն էլ իր հերթին ազդեցություն է ունենալու Հայաստանի բյուջե մտնող գումարի չափի վրա։ Կարող ենք սպասել նաև, որ հաջորդ եռամսյակում Wildberries-ը հարկատուների ցանկում ավելի բարձր դիրքում կհայտնվի։

The post Wildberries-ը հաճախորդների համար տհաճ անակնկալ է պատրաստել appeared first on Social Blog.

Hraparak.am-ը գրում է․ «Վայլդբերրիզ» օնլայն խանութից մատչելի տարբերակով գնումներ կատարելու նոր տարբերակ է հասանելի դարձել` կրկին ռուսական հասցեով։

Այս մասին սոցիալական ցանցերի տարբեր խմբերում գրառումներ են կատարվել, ավելին`այդ տարբերակը իմացողները գումարի դիմաց սովորեցնում են մատչելի գնումներ կատարել։ 

Փորձագետ Սամվել Մարտիրոսյանը տեղեկացրել է, որ դա վիրուս է, ինչից օգտվում են։

Նշենք, որ Հայաստանի առևտրականները սեպտեմբերին բողոք ակցիա էին իրականացրել կառավարության շենքի դիմաց` պահանջելով վերացնել ռուսական հասցեով պատվեր կատարելու հնարավորությունը. «Վայլդբերրիզ»-ը ընդունել էր առևտրականների պահանջը։

The post «Վայլդբերրիզից» կրկին հնարավոր է մատչելի գնումներ կատարել appeared first on Social Blog.

Լրագրող Նարինե Կիրակոսյանը ֆեյսբուքյան իր էջում գրում է. 

«Ասում եք էլի. մարդիկ այսքան չուզող, անհեռատես կլինե՞ն։ Վայլդբերրիզից այնքան բողոքեցին, դա էլ հարամեցին, կրկնակի գները բարձրացրեցին։

Իսկ պետք էր բողոքել ոչ թե էժան ապրանքների դեմ, այլ թանկ տեղական ապրանքի։ Այդ տեղականն էլ թուրքական հումքով են կարում, կամ պատրաստում։ Իսկ Վայլդբերրիզում, ես առնվազն ուզբեկական բամբակյա ապրանք գնելու հնարավորություն ունեի։

Հարևան Իրանում բենզինը անվճար է, տոմատը 3 լումա արժի, Վրաստանի ծովափնյա լավագույն հյուրանոցը օրական 15-20 դոլարից չի անցնում, իսկ Երևանում քնձռոտ բնակարանի վարձը նվազագույնը 200 հազար դրամ է։

Լավ, ի՞նչ եք ուզում մարդիկ, միանգամից բիրդանաղա դառնա՞ք։ Արդյունքում ի՞նչ եք ստացել. բնիկները կամ երկրից հեռանում են, կամ էլ ծայրահեղ վատ են ապրում, իսկ դիմացը հազարավոր օտարների եք լցրել, որոնք պետությանը մեծ հաշվով վնաս են բերում, ոչ թե օգուտ»:

The post Մարդիկ այսքան չուզող, անհեռատես կլինե՞ն․ պետք էր բողոքել ոչ թե էժան ապրանքների դեմ, այլ թանկ տեղական ապրանքի appeared first on Social Blog.