Թյուրքագետ Վարուժան Գեղամյանը տելեգրամի իր էջում գրում է․

«Օրերս պաշտոնական այցով Բաքվում էր «Հյուսիսային Կիպրոսի Թուրքական Հանրապետության» նախագահ Էրսին Թաթարը։

Ուշադրությո՛ւն դարձրեք այն նվերին, որ Թաթարը հանձնել է Ալիևին։ Կտավի վրա պատկերված է ամբողջ Կիպրոս կղզին, որ ոչ այլ ինչ է, քան թուրքական ծավալապաշտության դրսևորում։

Հյուսիսային Կիպրոսի չճանաչված հանրապետությունն իրականում Թուրքիայի կողմից Կիպրոս կղզու 1974թ. անօրինական օկուպացիայի արդյունքն է, որտեղ Անկարան ստեղծել է քվազի-պետություն։

Սակայն թուրքական քաղաքական վերնախավի ընկալումներում կղզին պետք է նվաճել ոչ թե 40%-ով, ինչպես հիմա է, այլ ամբողջապես, ինչպես երևում է այս լուսանկարում»։

The post «Ուշադրություն դարձրեք այն նվերին, որ Թաթարը հանձնել է Ալիևին». Վարուժան Գեղամյան appeared first on Social Blog.

ՎարուժաՆ Գեղամյանը ֆեյսբուքյան իր էջում գրում է.

«Ինձ հարցնում են, թե ինչ է լինելու հետո։

Ասեմ։

1. Արցախի գրեթե լիարժեք հայաթափում։ Էլ չի լինելու Արցախ մի քանի օրից։

2. ՀՀ-Ադրբեջան պայմանագրի ստորագրում, որտեղ կլինեն մի քանի կետ (տե՛ս հաջորդ տողերը)։

3. Հայաստանի Տավուշի, Արարատի և Վայոց Ձորի մարզերից նոր տարածքների հանձնում Ադրբեջանին՝ «անկլավ» անվան տակ։

4. Սյունիքով և Տավուշով Ադրբեջանին ու Թուրքիային միջանցքի տրամադրում։ Դրանցից մեկը այսպես կոչված «Զանգեզուրի միջանցքն է»։

5. Հայաստանի Հանրապետության տարածքում ադրբեջանցիների և թուրքերի զանգվածային (մի քանի տասնյակ հազարի) բնակեցում և նրանց իրավունքների ապահովում՝ թուրք-ադրբեջանական միջազգային երաշխիքներով։

6. Հայաստանի Հանրապետության զինված ուժերի կրճատում, ատոմակայանի փակում, կրթական համակարգի փոփոխություն։

7. Հայաստանի Հանրապետության բազմաթիվ քաղաքացիների հետապնդում՝ «Ադրբեջանի տարածքային ամբողջականության դեմ» գործած հանցանքների (այսինքն բանակում ծառայելու) համար։

Էս ամենը երաշխավորված կլինի, եթե Հայաստանում մնա այսօրվա դե-ֆակտո իշխանությունը, ով էս ամենի գլխավոր, միակ մեղավորն է»։

The post «Ինձ հարցնում են, թե ինչ է լինելու հետո։ Ասեմ». Վարուժան Գեղամյան appeared first on Social Blog.