Այսօր Սևանում վերջին հրաժեշտը տվեցին օգոստոսի 27-ին՝ վրաերթից մահացած 8-ամյա աղջկան։ Նրա հուղարկավորությունն էր։

Oragir.News-ի հետ զրույցում բնակիչները նշեցին, որ բոլորն են ցնցված տեղի ունեցածից։ «Այն, ինչ կատարվում է հիմա այստեղ, իրենց տանը իրական դժոխք է։ Նայում ես ու չգիտես ինչ անես, անզոր ես որևէ բան փոխել։ Թշնամուս նույնիսկ չեմ ցանկանա նման ողբերգություն»,- ասաց ընտանիքի հարազատներից մեկը։

Մեկ այլ բնակիչ էլ նշեց, որ աննկարագրելի է այն մեծ ցավն ու ողբերգությունը, որ բոլորն ապրեցին լսելով այս լուրը։

Ուսուցիչներից մեկն էլ նշեց, որ դժվար է պատկերացնել, որ նա այլևս դասարան չի մտնելու, որ դատարկ է մնալու նրա նստարանը։

«Սարսափելի է՝պատրաստվում էինք նոր ուսումնական տարվան, պատրաստվում էինք դիմավորելու մեր սաներին․․․ ու նման դժբախտություն։ Դեռևս տասնամյակը չբոլորած փոքրիկի ուրախ ու թախծալի ժպիտը միշտ կմնա մեր հիշողության մեջ»,- ասաց նա։

Հարևաններից մեկն էլ նշեց, որ 8-ամյա աղջիկը զուսպ ու համեստ երեխա էր։

«Համեստ, զուսպ երեխա էր։ Նույնիսկ բարևելիս աչքերն իջեցնում էր։ Չգիտեմ ինչ ասեմ, շատ դաժան բան է։ Արցունքները խեղդում են կոկորդս, անզորությունից տեղս չեմ գտնում, բառեր չեմ գտնում։ Թող Լիանայի հոգին թևածի երկնային արքայության մեջ»,- ասաց նա։

The post Սևանում վերջին հրաժեշտն են տալիս մահացած 8-ամյա աղջկան appeared first on Social Blog.

Հուլիսի 5-ին թունավորումից մահացած 4-ամյա աղջնակը Սյունիքի մարզի Տաթև խոշորացված համայնքի Շինուհայր գյուղից էր, այսօր նրան կհուղարկավորեն։

«Մեր բարեկամներն են, ընտանիքի հայրը իմ քեռու տղան է, զինվորական է։ Մեծ ընտանիք են՝ հայր, մայր և 5 երեխա։ 4 տարեկան աղջիկը մանկապարտեզ էր գնում, մեծը 11 տարեկան էր, մյուսները՝ 9 և 6։ Ընտանիքում նաև նորածին երեխա կա, ում վիճակը, բարեբախտաբար, կայուն է։

Այդ օրը ես երեխաներին տեսա, լավ վիճակում էին, ընթրիքից հետո է եղել դեպքը»,- Oragir.News-ի հետ զրույցում ասաց Շինուհայր գյուղի ղեկավարը։

Նրա խոսքով՝ թունավորման հանգամանքները դեռ ճշտվում են։ Բայց կարծիք կա, թե ընթրիքի ժամանակ համտեսած սննդից է եղել թունավորումը։

«Խոսակցություններ կան, որ երշիկեղենից է եղել թունավորումը… Այսօր 4-ամյա աղջկա հուղարկավորությունն է։ Շինուհայր գյուղի գերեզմանոցում են հուղարկավորելու»,- հավելեց գյուղապետը։

Oragir.News-ի տեղեկություններով՝ ընտանիքի մնացած անդամների վիճակը կայուն է, ծնողները դուրս են գրվել, 4 երեխաները ևս դուրսգրման ենթակա են։

The post Շինուհայրում վերջին հրաժեշտն են տալիս թունավորումից մահացած 4-ամյա աղջնակին appeared first on Social Blog.