ՌԴ նախագահ Վլադիմիր Պուտինն այսօր ասուլիսում պատասխանելով հարցին՝ թե ինչ է սիրում կարդալ, կատակով ասել է, որ պատրաստվում է վերընթերցել Ռուսաստանի Դաշնության Քրեական օրենսգիրքը։

Այնուհետ վերադառնալով լուրջ տոնին, Պուտինը ասել է՝ քիչ ժամանակ ունի կարդալու համար, բայց իր ննջասենյակում՝ մահճակալի կողքի սեղանի վրա դրված է Միխայիլ Լերմոնտովի ստեղծագործությունների հատորը։

«Նա (նկատի ունի Լերմոնտովին) փայլուն երիտասարդ էր: Ինձ շատ է հետաքրքրում, թե ինչպես էին մտածում այն ժամանակվա այդպիսի փայլուն մարդիկ, ինչ արժեքներ ունեին, ինչպես է դա առնչվում այսօրվա հետ:

Ընդհանրապես, ես հաճույքով եմ կարդում նրան»,- խոստովանել է Պուտինը։

The post Ինչ է դրված Պուտինի ննջասենյակում՝ մահճակալի կողքի սեղանի վրա. ՌԴ նախագահն անկեղծացել է appeared first on Social Blog.

ՌԴ նախագահի մամուլի քարտուղար Դմիտրի Պեսկովը պարզաբանել է Վլադիմիր Պուտինի սրտի խնդիրների մասին մամուլում հայտնված տեղեկությունները։

Պեսկովը նշել է, որ սա հերթական ապատեղեկատվությունն է։ Ըստ՝ ՌԴ նախագահի մամուլի քարտուղարի, Պուտինի հետ «ամեն ինչ լավ է»։ 

Պեսկովը մեկնաբանել է նաև Sky News Australia-ի և The Mirror-ի հրապարակումները։

«Կարող եմ ասել, որ երկվորյակներ չկան, երբ խոսքը վերաբերում է աշխատանքին և այլն։ Սա դասվում է անհեթեթ տեղեկատվությունների շարքին, որոնք նախանձելի համառությամբ քննարկվում են մի շարք լրատվամիջոցների կողմից։

Սա, իհարկե, ժպիտից բացի ոչինչ չի բերում»,- ասել է Դմիտրի Պեսկովը։

The post Պեսկովը` Պուտինի սրտի հետ կապված խնդիրների մասին appeared first on Social Blog.

Armtimes.com-ը գրում է․ Ռուսաստանի Դաշնության նախագահ Վլադիմիր Պուտինը հերթական անգամ առիթը բաց չի թողել՝ ասելով, թե Հայաստանի վարչապետ Նիկոլ Փաշինյանն է ԼՂ հարցում իրավիճակը փոխել, երբ Պրահայում ԼՂ-ն ճանաչել է Ադրբեջանի մաս:

Ամեն անգամ այս հայտարարությունը անելիս, սակայն Պուտինը «մոռանում» է 2020 թվականի դեկտեմբերի 17-ին ինքն էր անձամբ ասել, որ Լեռնային Ղարաբաղի տարածքը միջազգային իրավունքի տեսակետից Ադրբեջանի մաս է հանդիսանում։

«ԼՂ Ադրբեջանի մաս դարձավ այն բանից հետո, երբ անցյալ տարի Պրահայում Հայաստանի վարչապետը հայտարարություն հնչեցրեց, որն արմատապես փոխեց իրավիճակը։ Հայաստանը ճանաչեց, որ Ղարաբաղը Ադրբեջանի մաս է», – ԱՊՀ գագաթնաժողովի արդյունքներն ամփոփող ասուլիսի ժամանակ մասնավորապես ասել է ՌԴ նախագահը:

Ադրբեջանի և Թուրքիայի հետ անթաքույց «սիրախաղ» սկսած Պուտինը, անդրադառնալով նախկին տասնամյակներին վարվող արցախյան հակամարտության բանակցային գործընթացին, ասել է, թե «տարբերությունն այն է, որ այդ ժամանակ առանցքային էր Արցախի կարգավիճակի հարցը, իսկ ՀՀ նոր ղեկավարությունը այդ թեման վերջնականապես փակեց՝ ԼՂ ճանաչելով Ադրբեջանի մաս»։

«Նախկին տասնամյակների ընթացքում բազմիցս մոտ ենք եղել ԼՂ հարցով համաձայնության կայացմանը։ Խնդիրն այն էր, որ պայմանավորվում էինք, որ անհրաժեշտ է հանրաքվե անցկացնել, բայց կողմերից մեկը՝ Ադրբեջանը, ասում էր, որ չի կարող այդ հանրաքվեի համար ժամկետներ նշել, որովհետև եթե այդ ժամանակվա պայմաններում հանրաքվե անցկացվեր, անկախ դրա ժամկետներից՝ այն կանցկացվեր հենց հաջորդ օրը, թե անգամ 20 տարի անց, հանրաքվեի արդյունքը հասկանալի էր՝ ինչպիսին էր լինելու, այդ պատճառով էլ առաջարկվում էր այդ հարցի լուծումը թողնել ապագա սերունդներին։

Հայկական կողմը, ընդհակառակը, պնդում էր, որ հանրաքվեի անցկացման ժամկետ սահմանվի, իսկ այդ հանրաքվեով էլ՝ հստակեցվի Ղարաբաղի կարգավիճակը, որովհետև նրանք նույնպես ելնում էին այն հանգամանքից, որ եթե հանրաքվեն անգամ 20 տարի հետո անցկացվի, այսօրվա բնակչության կազմը հաշվի առնելով՝ արդյունքն ակնհայտ էր լինելու։ Ահա սա էր խնդիրը, սրա շուրջ էր ամեն ինչ պտտվում, սա էր մեխը՝ կարգավիճակը հստակեցումը»,- ասել է նա:

Իսկ հիմա, նրա խոսքով, իրավիճակն այլ է՝ անցյալ տարի ՀՀ գործող իշխանությունը այդ թեման փակել է։

«ՀՀ ղեկավարությունն այդ թեման փակեց ու ասաց՝ Ղարաբաղն Ադրբեջանի մաս է ու նախանշեց նույնիսկ քառակուսի կիլոմետրերը և հղում արեց 1991 թվականի պայմանագրին, երբ ԽՍՀՄ նախկին հանրապետությունների պետական սահմանները այն տեսքով էին, որը գոյություն ուներ ԽՍՀՄ-ում։

Վերջ, թեման փակվեց»,- ասել է ԼՂ խաղաղապահ առաքելություն ուղարկած ՌԴ նախագահը, որոնք նպաստեցին ԼՂ-ի հայաթափմանը:

The post Պուտինը, «նեղացած հարսի պես», ամեն անգամ կրկնում է նույն բանը appeared first on Social Blog.

Ռուսաստանի նախագահ Վլադիմիր Պուտինը, ով այսօր դարձավ 71 տարեկան, որոշել է այսօր «Աուրուս» մեքենայի հնարավորություններն անձամբ ցուցադրել Ուզբեկստանի և Ղազախստանի նախագահներ Շավքաթ Միրզիյոևին և Կասիմ-Ժոմարտ Տոկաևին։

Պուտինը մերձմոսկովյան իր նստավայրում դիմավորել է նախագահներին, նրանց ցույց է տվել իր նոր ավտոմեքենան, նստել ղեկին ու շրջել գործընկերների հետ:

Հոկտեմբերի 7-ին՝ իր ծննդյան օրը, Վլադիմիր Պուտինն աշխատում է այնպես, ինչպես և մյուս օրերին։ Սակայն երեկոյան նախագահն անպայման նշում է տոնը հարազատների և մտերիմների հետ։

Տեսանյութը ստորև

The post Ինչպես է նշել Պուտինն իր ծննդյան օրը (Տեսանյութ) appeared first on Social Blog.