Wildberries օնլայն-վաճառասրահը պատվերի ձևակերպումից հետո որոշ ժամանակ պատվերի չեղարկման գործառույթ է ներդրել։

Նոր տարբերակը կօգնի գնորդներին, եթե նրանք սխալ հասցե են ընտրել, սխալվել են պատվերի քանակի հետ կամ պատահաբար սխալ պատվեր են կատարել․ ասված է ընկերության Telegram-ալիքում:

The post Wildberries-ը պատվերներ կատարողներին նոր հնարավորություն կտա appeared first on Social Blog.

Ռուսաստանի գլխավոր դատախազությունը Telegram-ի իր ալիքում հայտնել է, որ գլխավոր դատախազ Իգոր Կրասնովի անունից կազմակերպված ստուգման ընթացքում Wildberries առցանց խանութը փոխել է մոտ 20 դրույթ, որոնք կարգավորում են վաճառողների և գնորդների հարաբերությունները։

Փոփոխություններից մեկի համաձայն` գնորդն այլևս պարտավոր չէ ապրանքի որակն ստուգել ստանալու պահին։

Ապրանքի վերադարձի օր կսահմանվի դրանից հրաժարվելու պահը (գնորդը կարող է ապրանքը վերցնելուց հետո ստուգել դրա որակը և վերադարձնել, եթե այն սարքին չէ կամ թերություն ունի. խմբ.):

Բացի այդ, գնորդն այսուհետ կարող է հրաժարվել ցանկացած տեսակի գնված ապրանքից, այդ թվում` տեխնիկայից (նախկինում գնորդը չէր կարող վերադարձնել մի շարք ապրանքատեսակներ. խմբ.)։

«Ապրանքի առաքման ժամկետը կարող է երկարաձգվել միայն գնորդի հետ համաձայնեցման դեպքում։ Իսկ ապրանքի փոխարինման պահանջի քննարկման ժամկետը կրճատվել է»,- ասված է հաղորդագրությունում։

Ըստ նոր կանոնների, գնորդը նաև կկարողանա անձնական հաշվի միջոցով չեղարկել իր պատվերը:

Բացի այդ, պատշաճ որակի ապրանքը վերադարձնելու դեպքում Wildberries-ի ծախսերի փոխհատուցումը կպահպանվի միայն ապրանքի հետգնման ցածր մասնաբաժնի, առաքման զգալի հեռավորության և ապրանքի առանձնահատկությունների դեպքում (եթե այն մեծ է, փխրուն և այլն):

«Wildberries»-ը միջազգային խոշոր առցանց հարթակ է, որը շուկայում գործում է արդեն 19 տարի:

The post Wildberries-ը փոխում է կանոնները. գնորդն այսուհետ կարող է հրաժարվել ցանկացած տեսակի գնված ապրանքից appeared first on Social Blog.

Armlur.am-ը գրում է․ Wildberries-ը, փակելով ռուսական տարբերակով գնումներ կատարելու էժան և մատչելի տարբերակը, այժմ հայկական շուկայի գնորդների համար այլ անակնկալ է մատուցում։

Երեկվանից հայտնի դարձավ, որ հոկտեմբերի 30-ից Wildberries-ի ապրանքի ստացման կետերի անվճար պոլիէթիլենային տոպրակներն այլևս անվճար չեն լինի։

Ըստ օգտատերերի՝ ստացած ծանուցումներից պարզ է դառնում, որ տոպրակներն այսուհետ կլինեն վճարովի, այսինքն երբ վերցնեք ձեր ապրանքը Wildberries-ից և ցանկանաք այն տոպրակի մեջ դնել, ապա տոպրակը կարժենա 22-ից 65 դրամ։

Պոլիեթիլենային տոպրակների համար գումարը գանձվելու է Wildberries-ի ձեր հաշվին կցված քարտից։
Ըստ երևույթին, սա արվում է, քանի որ Wildberries-ը հանդիսանում է Հայաստանի 1000 խոշոր հարկատուներից մեկը և ստիպված պետք է ենթարկվի պոլիէթիլենային տոպրակների մասին հայաստանյան օրենքին, ըստ որի տոպրակները հաճախորդներին տրվելու են որոշակի գումարի դիմաց։

Այդ գումարն էլ իր հերթին ազդեցություն է ունենալու Հայաստանի բյուջե մտնող գումարի չափի վրա։ Կարող ենք սպասել նաև, որ հաջորդ եռամսյակում Wildberries-ը հարկատուների ցանկում ավելի բարձր դիրքում կհայտնվի։

The post Wildberries-ը հաճախորդների համար տհաճ անակնկալ է պատրաստել appeared first on Social Blog.