Արմեն Արշակյանը ծնվել է 1991 թվականի հուլիսի 15-ին: Դպրոցական կրթություն ստանալուց հետո նա զորակոչվել է բանակ՝ զինծառայության անցնելով Շամշադինի քաղաքներից Բերդի զորամասերից մեկում:
Արմենը արցախյան վերջին պшտերազմի լուրն իմանալուց հետո առաջին արձագանքողներից և ճակատ մեկնելու ցանկություն հայտնողներից է եղել: Նա առանց հապաղելու մեկնել է Արցախ: Արմենն Արցախ ուղևորվող ավտոբուս է նստել սեպտեմբերի 29-ին:
Տեղ հասնելուն պես նա զանգել է և հարազատներին տեղյակ պահել, որ հասել է տեղ: Այնուհետև Արմենից հեռախոսազանգ այլևս չի եղել։ Հոկտեմբերի 7-ին հարազատները իմացել են Արմենի զոհվելու մասին ցավալի լուրը:
Արմենին հարազատները և մտերիմները ճանաչում ու հիշում են, որպես բացառիկ ազնվության ու նվիրվածության չափանիշ, կենսասեր ու կենսախինդ երիտասարդ, ով ապրում էր հայրենիքը և ընտանիքը սիրելու վեհ գաղափարներով:
Արմենի մասին դեռ շատ է խոսվելու՝ որպես խիզախ ու անպարտ հայորդու փայլուն օրինակ: