Խոշոր հրդեհ՝ Ծաղկաձորի «Թումանյանի խինկալի» ռեստորանում․ կրակն ու ծուխը տեսանելի էին մի քանի 100 մետրից
Այսօր՝ դեկտեմբերի 10-ին, խոշոր հրդեհ է տեղի ունեցել Կոտայքի մարզում։ Այս մասին գրում է shamshyan.com-ը։
Ժամը 14․35-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Ծաղկաձոր քաղաքում Ծաղկունյաց հրապարակում 9/1 հասցեում գործող «Թումանյանի խինկալի» ռեստորանային համալիրում հրդեհ է բռնկվել։
Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են Հրազդանի թիվ 44 և թիվ 47 հրշեջ փրկարարական ջոկատներից 1-ական մարտական հաշվարկ։
Մինչ հրշեջների ժամանումը՝ կրակի տարածման դեմ պայքարում էին ռեստորանի աշխատակիցները և քաղաքացիները։
Կրակն ու ծուխը տեսանելի են մի քանի 100 մետրից։Օպերատիվորեն ժամանել են նաև ՀՀ ՆԳՆ ոստիկանության պարեկային ծառայության Կոտայքի մարզի գումարտակի 1-ին վաշտի 1-ին դասակի պարեկները՝ գումարտակի հրամանատարի տեղակալ Լևոն Բադալյանի, գումարտակի ծառայության տեսուչ Կառլեն Բաղղյանի, վաշտի հրամանատար Վահե Գիգոլյանի գլխավորությամբ։
Պարեկների մի մասը սահմանազատել է տարածքը, մի մասն էլ հրշեջների հետ մասնակցում է հրդեհաշիջման աշխատանքներին։
Ժամանել է նաև շտապօգնության բժիշկների հերթապահ խումբը, ինչպես նաև Ոստիկանության Ծաղկաձորի բաժանմունքի օպերատիվ խումբը։Այս պահին աշխատանքները շարունակվում են։
Առավել մանրամասն՝ սկզբնաղբյուր կայքում
