Աննա Հակոբյանն ինձնից խլել է ոչ միայն Նոր տարին, այլ իմ ամբողջ կյանքի տոները․ զոհվածի մայր
ՀՀ վարչապետ Նիկոլ Փաշինյանի կինը՝ Աննա Հակոբյանը, Ամանորին ընդառաջ՝ դեկտեմբերի 29-ին նախաձեռնել է միջոցառում, որին հրավիրել է զոհված զինծառայողների մայրերին։
Աննա Հակոբյանի այս քայլը վրդովմունք է առաջացրել զոհված զինծառայողների ծնողների մոտ։
44-օրյա պատերազմում զոհված Տիգրան Շահբարյանի մայրը՝ Արմինե Հարությունյանը, Oragir.News-ի հետ զրույցում ասաց, որ իրեն ևս հրավեր է եղել, սակայն միանգամից մերժել է.
«Այն մարդը, ով ինձ կանչում է այս պահին տոնակատարությունների, խլել է ինձնից ոչ միայն Նոր տարին, այլ իմ ամբողջ կյանքի տոները։ Էլ չասեմ, որ վարչական շրջանից ընդամենը տարին 1 անգամ մի զանգով հիշում են, որ գոյություն ունենք ընդհանրապես։ Եթե կառավարությունը ինձ հրավիրում է միջոցառումների, չեմ գնում, պատճառները լիքն են… Երբ ինձ զանգահարեցին և ասացին, թե ով է կազմակերպել , միանգամից մերժեցի, էլ մանրամասները պետք էլ չէին ինձ»:
Առավել մանրամասն՝ սկզբնաղբյուր կայքում
