Ղազախստանում սգո օր է. զոհերի թիվը հասել է 36-ի
Ղազախստանի Կարագանդայի շրջանում Արսելորմիտտալ Տեմիրտաու ընկերության Կոստենկոյի անվան հանքավայրում երեկ տեղի ունեցած վթարի հետևանքով զոհերի թիվը հասել է 36-ի։
Այս մասին հայտնում է Ղազախստանի ԱԻՆ մամուլի ծառայությունը։
Մինչ այժմ հայտնաբերվել է 36 մարդու դի։ 10 հանքափորների որոնողական աշխատանքները շարունակվում են.
Ավելի վաղ հաղորդվել էր, որ վթարի պահին հանքավայրում եղել է ավելի քան 250 մարդ։
Հիշեցնենք, որ հանքավայրում տեղի ունեցած ողբերգության կապակցությամբ Ղազախստանում հոկտեմբերի 29-ը համազգային սգո օր է հայտարարվել։
