«Ձեռ ե՞ք առնում, լավ, անհարմար է: Պետական մարմիններում նայեք, «Սիլ» ջուրը 200 անգամ քիչ կլինի, քան մնացած ջրերը:
«Սիլ» ջուրն իրա ծավալներով հազար անգամ զիջում է մնացածին՝ թե՛ պետական պատվերների, թե՛ այլ կազմակերպություններում վաճառքի առումով»,- ԱԺ-ում, լրագրողների հետ ճեպազրույցում, ասել է «Քաղաքացիական պայմանագիր» խմբակցության պատգամավոր Խաչատուր Սուքիասյանը՝ հավելելով՝ «եթե օրենքի խախտում կլինի, հերն անիծեք»:
Հարցին՝ տարվա կտրվածքով որքա՞ն է կազմում վաճառքը, նշել է. «Ես չգիտեմ, ես բիզնեսից կիլոմետրերով հեռու եմ, չեմ էլ հարցնում, այլ մարդիկ են կառավարում»:
